ရန်ကုန်အခြေစိုက် အမျိုးသမီးဓာတ်ပုံဆရာအဖွဲ့ “သူမ”  (Thuma Collective) မှ Us & Beyond" အမည်ရှိ အမျိုးသမီးဓာတ်ပုံပြပွဲကို မေလ(၁၉)ရက်ကကနေ ဇွန်လ(၂)ရက်ထိ (၄၄)လမ်းမှာ ရှိတဲ့ မြန်မာဒိဌပြခန်းမှာ ပြသနေပါတယ်။ Us & Beyond" ဓာတ်ပုံပြပွဲမှာ အမျိုးသမီးဓာတ်ပုံဆရာတွေရဲ့ လက်ရာတွေကို သီးသန့် မြင်တွေ့ရမှာ ဖြစ်ပါတယ်။ မတူညီတဲ့ နယ်ပယ်အသီးသီးကအမျိုးသမီးတွေဖြစ်တဲ့တွက် သူတို့ရဲ့ လက်ရာတွေကလည်း မတူညီတဲ့ ရှုထောင့်မျိုးစုံကနေ ဓာတ်ပုံဇာတ်လမ်းတွေကို မြင်တွေ့ခံစားရမှာ ဖြစ်ပါတယ်။သူမအဖွဲ့ကို ၂၀၁၇ ခုနှစ်အောက်တိုဘာလတွင် မြန်မာအမျိုးသမီးဓာတ်ပုံဆရာ ၇ ဦးက စတင်ဖွဲ့စည်းခဲ့တာဖြစ်ပါတယ်။ ဓာတ်ပုံဇာတ်လမ်းများရိုက်ကူးသည့် အလေ့အကျင့်ကို မြှင့်တင်ပေးရန်၊ လူမှုဝန်းကျင်ရှိ အကြောင်းအရာအမျိုးမျိုးတို့ကို အမျိုးသမီးများရဲ့ အမြင်ဖြင့် ရိုက်ကူးတင်ဆက်နိုင်ရန်နဲ့ ဓာတ်ပုံပညာကို စိတ်ဝင်စားသော အမျိုးသမီးများ ဓာတ်ပုံကို ဘာသာစကားတခုအဖြစ် အသုံးပြုကာ လူမှုအသိုင်းအ၀ိုင်းအတွက် အရေးပါသော အကြောင်းအရာများကို တင်ဆက်ရိုက်ကူးနိုင်စေရန် အားပေးလိုခြင်းစသည့် ရည်မှန်းချက်များနှင့် အမျိုးသမီးသီးသန့်ဓာတ်ပုံအဖွဲ့သူမကို ဖွဲ့စည်းခဲ့ခြင်း ဖြစ်တယ်လို့ သိရပါတယ်။

Related News