အမြန်လမ်းမိုင်တိုင် (၉)မိုင် (၆)ဖာလုံအနီး ငါးဆူတောင်ရွာမှာရှိတဲ့ Morning Glory ကလေးငယ်များ ပြုစုပျိုးထောင်ရေး ဂေဟာမှာ နေထိုင်တဲ့ကလေးငယ်တွေကို ရွှေလောင်းလှေပရဟိတဖောင်ဒေးရှင်းက စာရေးကိရိယာ၊ မုန့်၊ အ၀တ်အစား၊ ကျောင်းသုံးပစ္စည်းများ အပါအ၀င်ကလေးငယ်တွေရဲ့ စားရေး၊သောက်ရေးတစ်နေ့တာအတွက် မေလ(၁၃)ရက်က သွားရောက်လှူဒါန်းခဲ့ကြပါတယ်။ရွှေလောင်းလှေ ပရဟိတ ဖောင်ဒေးရှင်းအသင်းဝင် တစ်ဦးကို နေ့စဉ် (၁၀၀)ကျပ်စီစုစည်ပြီး သဘာဝဘေးအန္တရယ် ကူညီကယ်ဆယ်ရေး၊ မိဘမဲ့ကလေးငယ်များ ကူညီစောင့်ရှောက်ရေး၊ ဘိုးဘွားများကူညီထောက်ပံ့ရေးစတဲ့ လိုအပ်တဲ့ နေရာတွေမှာ လိုက်လံလှူဒါန်းနေတာ ဖြစ်တယ်လို့ သိရပါတယ်။

ကလေးငယ်များပြုစုပျိုးထောင်ရေးဂေဟာကို (၂၀၀၆)ခုနှစ်မှာ စတင်ဖွင့်လှစ်ခဲ့တာဖြစ်ပြီး မိဘမဲ့ကလေးငယ်တွေ၊ အခြေအနေအမျိုးအမျိုးကြောင့် ကျောင်းမနေနိုင်တဲ့ ကလေးငယ်လေးတွေကို ပြုစုပျိုးထောင်ပေးနေတာပါ။ ကျောင်းမှာ ကလေးငယ်လက်ရှိ(၃၁)ဦးရှိပြီး ကျောင်းသုံးပစ်္စည်းတွေ အတွက် လိုအပ်နေသလို  ဂေဟာရှိကလေးငယ်တွေဟာ ပညာသင်ကြားဖို့ စာသင်ကျောင်းနဲ့ အလှမ်းဝေးတာကြောင့်  သွားလာရေးအတွက်အခက်အခဲ ဖြစ်နေတယ်လို့ သိရပါတယ်။ ရွှေလောင်းလှေပရဟိတဖောင်ဒေးရှင်းကို (၂၀၁၁)မေလကစတင်တည်ထောင်ခဲ့တာဖြစ်ပြီး မြန်မာနိုင်ငံနေရာ (၈၀)ကျော်မှာ လှူဒါန်းပြုလုပ်ခဲ့တယ်လို့သိရပါတယ်။ တစ်နိုင်ငံလုံးအတိုင်းအတာနဲ့ ပရဟိတလုပ်ကိုင်ခွင့် ရရှိအောင် ပြည်ထဲရေးဝန်ကြီးဌာန၊ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဦးစီးဌာနတို့ရဲ့ ထောက်ခံချက်များနဲ့ ပြည်ထောင်စုအဆင့် မှတ်ပုံတင်ရရှိပြီး ဖြစ်တယ်လို့ သိရပါတယ်။

 

 

 

Related News