မြန်မာယာဉ်လုပ်ငန်းရှင်များနှင့် သယ်ယူပို့ဆောင်ရေးဝန်ဆောင်မှုလုပ်ငန်းရှင်များမှ  မြန်မာနိုင်ငံရဲ့ ပထမဆုံးသော ယာဉ်ပိုင်ရှင်ကြီးများ ညီလာခံကို မေလ(၁၂)ရက်ကနေ မေလ(၁၃)ရက်အထိ (၂)ရက်တာပြုလုပ်ခဲ့ပါတယ်။ကုန်တင်ယာဉ်ဖြင့် ကုန်ပို့ဆောင်ရေးနှင့် ထောက်ပံ့ပို့ဆောင်ရေးကဏ္ဍမှ လုပ်ငန်းရှင်ကြီးများရဲ့ မြန်မာနိုင်ငံလုံးဆိုင်ရာတွေ့ဆုံနှီးနှောဖလှယ်ပွဲနှင့် ၀န်ဆောင်မှုပြပွဲကို ထိုင်းနိုင်ငံ မဲခေါင် Institute  မှာသင်တန်းတက်ရောက်အောင်မြင်ခဲ့တဲ့ သယ်ယူပို့ဆောင်ရေးကဏ္ဍမှ အစိုးရအဖွဲ့အစည်းများနဲ့ လုပ်ငန်းရှင်းများအသင်းမှ (၁၀)ဦးက ဦးစီးကျင်းပတာဖြစ်ပါတယ်။
 
ဒီပွဲမှာ လက်ရှိ သယ်ယူပို့ဆောင်ရေးလုပ်ငန်းများမှာ ရင်ဆိုင်နေရသော စိန်ခေါ်မှုများ၊အခက်အခဲများကို ပူးပေါင်း ဆွေးနွေးအဖြေရှာသွားမှာဖြစ်ပြီး ရရှိလာတဲ့ဆွေးနွေးချက် အခက်အခဲ၊ပြသနာတွေကို သက်ဆိုင်ရာ ၀န်ကြီးဌာနတွေကို တင်ပြသွားမှာဖြစ်တယ်လို့သိရပါတယ်။ လက်ရှိကျင့်သုံးနေတဲ့ မိရိုးဖလာပုံစံလုပ်ငန်းတွေကို နိုင်ငံတကာပုံစံလုပ်ငန်းများအသွင်ကို ကူးပြောင်းပြီး နိုင်ငံတကာနှင့် ရင်ဘောင်တန်းနိုင်တဲ့ အခြေအနေကို ရောက်ရှိစေဖို့၊ ယာဉ်မောင်းတွေရဲ့ အရည်အချင်းများတိုးတက်လာစေဖို့နဲ့ ပိုမိုကောင်းမွန်တဲ့ အလုပ်အကိုင်အခွင့်အရေးတွေရရှိလာစေဖို့၊ သယ်ယူပို့ဆောင်ရေးလုပ်ငန်းများမှာ အသုံးပြုမှုအားနည်းနေတဲ့ အာမခံစနစ်နဲ့ ဘဏ်စနစ်တွေကို အသုံးပြုလာနိုင်စေဖို့ ဆွေးနွေးသွားမှာဖြစ်တယ်လို့သိရပါတယ်။
 
မကြာမီမှာ မလွှဲမသွေရင်ဆိုင် လာရမယ့် နယ်စပ်ဖြတ်ကျော် သယ်ယူပို့ဆောင်ရေးနှင့် နိုင်ငံတကာနှင့် ယှဉ်ပြိုင်မှုများအတွက် ကြိုတင်ပြင်ဆင်မှုတွေလုပ်ဆောင်နိုင်ဖို့ကိုလည်းဆွေးနွေးခဲ့တယ်လို့သိရပါတယ်။ မြန်မာနိုင်ငံဟာ နိုင်ငံတကာနဲ့ နှိုင်းယှဉ်ရင် အဖက်ဖက်မှ နှောင့်နှေးကြန်ကြာနေခဲ့ပြီး ဒီပြပွဲကတစ်ဆင့် လက်ရှိရင်ဆိုင် နေရတဲ့ အတားအဆီး၊အခက်အခဲ၊ပြသနာ၊နည်းဥပဒေတွေကို စုပေါင်းရှာဖွေ ဖော်ထုတ်နိုင်ဖို့ကို မျှော်လင့်ထားတယ်လို့သိရပါတယ်။
 
အခုလိုပွဲမျိုးတွေကိုတော့ ရန်ကုန်မှာအပြင် မန္တလေး၊တောင်ကြီး၊မြ၀တီမြို့နဲ့ အခြားမြို့များမှာ လည်း (၂)နှစ်အတွင်းဆက်လက်ကျင်းပသွားမှာဖြစ်တယ်လို့သိရပါတယ်။ယာဉ်ပိုင်ရှင်ကြီးများ ညီလာခံကို ကျင်းပရတာဟာ မြန်မာနိုင်ငံရှိ ယာဉ်လုပ်ငန်းရှင်ကြီးများကို နိုင်ငံတာမှာကျင့်သုံးနေတဲ့ စံသတ်မှတ်ချက်တွေကိုသိရှိစေဖို့၊ဘဏ်လုပ်ငန်း၊အာမခံလုပ်ငန်းများနဲ့ ချိတ်ဆက်ပြီးလုပ်ဆောင်တတ်စေရန်၊ထောက်ပံ့ပို့ဆောင်ရေးကဏ္ဍမှ လုပ်ငန်းရှင်များ အချင်းချင်းချိတ်ဆက်လုပ်ဆောင်မိစေဖို့ ရည်ရွယ်တယ်လို့သိရပါတယ်။
 
 
 

Related News