လူထုမိတ်ဆွေအကျိုးပြုယာဉ်လိုင်းမYBS(၉၃)ယာဉ်လိုင်းဟာ ဒညင်းကုန်းလက်ကားဈေး သစ်ကြီးကနေ ရန်ကုန်ဘူတာကြီးအထိ မတ်လ(၉)ရက်က စတင်ပြေးဆွဲနေပြီဖြစ်ပါတယ်။လူထုမိတ်ဆွေ အကျိုးပြုယာဉ်လိုင်းမှYBS(၉၃)ယာဉ်လိုင်းကို တရုတ်နိုင်ငံထုတ်(၂၀၁၇)မော်ဒယ် Foton မော်တော်ယာဉ် အမျိုးအစားနဲ့ ကနဦးမှာ ယာဉ်အစီးရေ(၅၀)နဲ့ စတင်ပြေးဆွဲပေးနေတာ ဖြစ်ပါတယ်။ ပြေးဆွဲတဲ့ လမ်းကြောင်းအနေနဲ့ ဒညင်းကုန်းလက်ကား ဈေးသစ်ကြီးကနေ  ခရေပင်လမ်းခွဲ၊ အမှတ်(၃)လမ်းဆုံ၊ မြောက်ဥက္ကလာအ၀ိုင်း၊ ဝေဇယန္တာလမ်း၊ သုဝဏ္ဏလမ်းဆုံ၊ ABC ၊ ပုစွန်တောင်ဈေး၊ ဗိုလ်တထောင်၊ ပန်းဆိုးတန်းနဲ့ ရန်ကုန်ဘူတာကြီးအထိ ပြေးဆွဲပေးနေတာ ဖြစ်ပါတယ်။

ဒညင်းကုန်းလက်ကားဈေးသစ်ကြီးကနေ ရန်ကုန်ဘူတာကြီးအထိ ပြေးဆွဲတဲ့လမ်းကြောင်းမှာ မှတ်တိုင်ပေါင်း (၅၃)ခုရှိပြီး ဂိတ်အစဖြစ်တဲ့ ဒညင်းကုန်းလက်ကားဈေးသစ်ကြီးကနေ (၅)မိနစ် တစ်စီး ထွက်ခွာတယ်လို့ သိရပါတယ်။ အခုပြေးဆွဲတYBS(၉၃)ယာဉ်လိုင်းက ယခင်ကYBSပြေးဆွဲခြင်းမရှိတဲ့ ဝေဇယန္တာလမ်း တလျှောက်ပြေးဆွဲတာဖြစ်ပြီး ယာဉ်စီးခအနေနဲ့ ဂိတ်အစ ဂိတ်အဆုံး ကျုပ်(၃၀၀)ကျပ် သတ်မှတ်ထားတာ ဖြစ်ပါတယ်။လက်ရှိ လူထုမိတ်ဆွေအကျိုးပြုယာဉ်လိုင်းမှာYBS(၇၈)နဲ့ (၉၃)လိုင်းဆိုပြီး ယာဉ်လိုင်း(၂)လိုင်း ပြေးဆွဲနေပြီး နောက်ပိုင်းမှာ တခြားလမ်းကြောင်းတွေအတွက် ထပ်မံတိုးချဲ့ ပြေးဆွဲပေးသွားဖို့ ရှိတယ်လို့ သိရပါတယ်။ ဒီယာဉ်လိုင်းတွေမှာ သံဃာတော်နဲ့ သီလရှင်များ၊ သက်ကြီးရွယ်အိုများ၊ ကျန်းမာရေးမကောင်းသူ၊ မသန်စွမ်းသူ၊ ကိုယ်ဝန်ဆောင်မိခင်များ၊ မူလတန်း၊အလယ်တန်းကျောင်းသား ကျောင်းသူများ အခမဲ့စီးနင်းနိုင်တယ်လို့ သိရပါတယ်။

 

 

Related News