၂၀၁၈ ခုနှစ်အတွင်း ထိုင်းနိုင်ငံမှာပြုလုပ်သွားမယ့် (၁၂)ကြိမ်မြောက် အာဆီယံအဆင့် လုပ်သားကျွမ်းကျင်မှု ပြိုင်ပွဲအကြိုအတွက် Myanmar Skills Competition 2018 ပြိုင်ပွဲကျင်းပသွားမှာ ဖြစ်တယ်လို့ သိရပါတယ်။ 
 
မြန်မာနိုင်ငံလုပ်သားများကျွမ်းကျင်မှု“စံ”သတ်မှတ်ပြဋ္ဌာန်းရေးအဖွဲ့(NSSA)မှဦးစီးပြီး ထိုင်းနိုင်ငံမှာပြုလုပ်သွားမယ့် (၁၂)ကြိမ်မြောက်အာဆီယံအဆင့်ကျွမ်းကျင်မှုပြိုင်ပွဲကို အလုပ်အကိုင် ဧရိယာ(၁၂)မျိုးနဲ့ မြန်မာနိုင်ငံမှ သွားရောက်ယှဉ်ပြိုင်သွားမှာဖြစ်တယ်လို့ သိရပါတယ်။ မြန်မာနိုင်ငံရှိ အလုပ်အကိုင်များရဲ့ လုပ်ငန်းကျွမ်းကျင်မှု များ၊ နည်းပညာနဲ့ အသက်မွေးဝမ်းကြောင်းပညာရပ်များ အား လူထုကြားကျယ်ကျယ်ပြန့်ပြန့်သိရှိစေလာရန်နဲ့ ကျွမ်းကျင်မှုစံချိန်စံညွှန်း သတ်မှတ်ချက်များအား နိုင်ငံတကာနဲ့ တန်းတူလိုက်မှီ နိုင်စေရန် ရည်ရွယ်ပြီး အာဆီယံအဆင့်ကျွမ်းကျင်မှုပြိုင်ပွဲများမှာ ပါဝင်ယှဉ်ပြိုင် နိုင်ရန်အတွက် အခုလို စီစဉ်ဆောင်ရွက်ပေးနေတာ ဖြစ်တယ်လို့ သိရပါတယ်။
 
(၁၂)ကြိမ်မြောက် အာဆီယံအဆင့်ကျွမ်းကျင်မှုပြိုင်ပွဲ အကြိုအတွက် မြန်မာနိုင်ငံကျွမ်းကျင်မှု ပြိုင်ပွဲကို မတ်လ(၁၇)ရက်မှ ဧပြီလ(၈)ရက်အထိ နေပြည်တော်၊ ရန်ကုန်၊ မကွေးမြို့တွေမှာ ကျင်းပသွားမှာဖြစ်ပြီး၊ ပြိုင်ပွဲမှထူးချွန်သူလူငယ်များကို ထိုင်းနိုင်ငံကိုစေလွှတ် ယှဉ်ပြိုင်စေမှာ ဖြစ်တယ်လို့ သိရပါတယ်။ ပါဝင်ယှဉ်ပြိုင်မယ့်သူများအနေနဲ့ အသက် ၂၂ အောက်၊ အင်္ဂလိပ်စာ ကျွမ်းကျင်စွာ ပြောဆိုနိုင်သူ ဖြစ်ရမှာဖြစ်ပြီး၊ ပြိုင်ပွဲမှာ ရမှတ်(၆၅)ရာခိုင်နှုန်းနှင့် အထက်ရရှိသူများထဲမှ  ပထမ၊ ဒုတိယ၊ တတိယရရှိသူများကွှိုမသစ့ပ ဂုဏ်ပြုလက်မှတ်နှင့် ဆုကြေးငွေများကိုချီးမြှင့်ပေးသွားဖြစ်တယ်လို့ သိရပါတယ်။ 
 
Asean Skill Competition များကို (၁၉၉၅)ခုနှစ်မှာစတင်ကျင်းပခဲ့တာဖြစ်ပြီး၊ မြန်မာနိုင်ငံအနေနဲ့ (၆)ကြိမ်မြောက်ပြိုင်ပွဲ၊ (၇)ကြိမ်မြောက်ပြိုင်ပွဲ၊ (၁၀)ကြိမ်မြောက်ပြိုင်ပွဲ၊ (၁၁)ကြိမ်မြောက်ပြိုင်ပွဲများမှာ ပါဝင်ယှဉ်ပြိုင်ခဲ့တာဖြစ်ပြီး၊ (၁၀)ကြိမ်မြောက်နဲ့ (၁၁) ကြိမ်မြောက်ပြိုင်ပွဲမှာတော့ Medallion Of Excellence  ဆုတံဆိပ်များရရှိခဲ့တာဖြစ်ပါတယ်။
 
 

Related News