ခ၀ဲခြံ မျက်မမြင်ကျောင်းမှဦးစီးပြီး ငြိမ်းချမ်းရေးတွဲလက်များ (Wheel Chair) ရထားအမည်ဖြင့် မြို့ပေါင်း(၂၂)မြို့ကို လှည့်လည်မယ်လို့ မတ်လ(၁၀)ရက်က ပြုလုပ်ခဲ့တဲ့ ၂၁ ရာစုပင်လုံညီလာခံ အတွက် ငြိမ်းချမ်းရေး အကြိုလှုပ်ရှားမှု စာနယ်ဇင်းနှင့် မိတ်ဆက်ပွဲမှာ ပြောကြားခဲ့ပါတယ်။
 
မကြာမီကျင်းပပြုလုပ်မဲ့ တတိယအကြိမ်(၂၁) ရာစုပင်လုံညီလာခံကြီးကို အလေးနက်ထောက်ခံ ကြိုဆိုတဲ့အနေနဲ့ ခ၀ဲခြံမျက်မမြင်ကျောင်းမှ ဦးဆောင်ပြီး ငြိမ်းချမ်းရေးတွဲလက်များ (Wheel Chair) ရထားဖြင့်လာမဲ့ မတ်လ(၁၆)ရက်မှ ဧပြီလ(၄)ရက်အထိ တနင်္လာရီတိုင်း၊ မွန်ပြည်နယ်၊ ကရင်ပြည်နယ်၊ ပဲခူးတိုင်းဒေသကြီးနဲ့ ရန်ကုန်တိုင်းဒေသကြီးအတွင်းရှိ မြို့ပေါင်း (၂၂) မြို့ ၊ခရီးမိုင်အားဖြစ် (၈၅၀) ကျော်ကို ဒုတိယကြိမ်မြောက်ဖြင့် လှည့်လည်သွားမှာ ဖြစ်ပါတယ်။
 
အဆိုပါခရီးစဉ်တစ်ခုလုံးကို (၂၅)ရက် သတ်မှတ်ထားပြီး ညအိပ်ရပ်နားတဲ့ မြို့တွေမှာ  အမြင်အာရုံချို့တဲ့ သူတွေက ငြိမ်းချမ်းရေးတေးသီချင်းများဖြင့် ဖျော်ဖြေတင်ဆက်ခြင်း၊ ကဗျာရွတ်ဆိုခြင်း၊ ဟောပြောခြင်း လမ်းခရီးတွေမှာလည်း ငြိမ်းချမ်းထောက်ခံတဲ့  လက်မှတ်များ ကောက်ခံသွားမှာဖြစ်ပြီး ကောက်ခံရရှိတဲ့ လက်မှတ်တွေကို တတိယအကြိမ်ပြုလုပ်မဲ့ ၂၁ ရာစုပင်လုံ ညီလာခံသို့ တက်ရောက်မယ့်  ကိုယ်စားလှယ်များကို ပေးပို့သွားမှာ ဖြစ်ပါတယ်။
 
ဒီခရီးစဉ်ကို ဘီတပ်လှည်း (Wheel Chair) မောင်းမဲ့ကိုယ်အင်္ဂါမသန်စွမ်းသူ (၁၀) ဦးပါဝင်မှာဖြစ်ပြီး  တေးဂီတ ဖျော်ဖြေတင်ဆက်မဲ့ အမြင်အာရုံချို့တဲ့သူ (၁၀)ဦး ငြိမ်းချမ်းရေးအကြောင်း တင်ပြမဲ့ အမြင်အာရုံချို့တဲ့သူ (၂)ဦး၊ အုပ်ချူပ်ကူညီပံပိုးသူ အယောက်(၃၀)နဲ့ ငြိမ်းချမ်းရေးကို ချစ်မြတ်နိုးတဲ့ အနုပညာရှင်များလည်း ပါဝင်မှာ ဖြစ်ပါတယ်။
 
၂၁ ရာစုပင်လုံညီလာခံ (ဒုတိယအကြိမ်)အတွက် ငြိမ်းချမ်းရေးအကြိုလှုပ်ရှားမှုကိုလည်း ၂၀၁၇ ခုနှစ်က ငြိမ်းချမ်းရေးတွဲလက်များ (Wheel Chair)ရထားဖြင့် မြစ်ကြီးနားမှ နေပြည်တော်သို့ လှည့်လည်ခဲ့သေးတယ်လို့လဲ သိရပါတယ်။
 
 
 
 

Related News