ပြည်သူတွေရင်ဆိုင်နေရတဲ့ မပြေလည်မှုတွေ၊ စိုးရိမ်ကြောင့်ကြမှုတွေ မတည်မငြိမ်ဖြစ်မှုတွေကို ဖယ်ရှားပေးကာ သေချာရေရာတဲ့ အနာဂတ်တစ်ခုကိုဆောင်ကြဉ်းပေးနိုင်ဖို့ရာအတွက် အားလုံးညီညွတ်ဖို့ အချိန်တန်ပြီလို့ နိုင်ငံတော်၏အတိုင်ပင်ခံပုဂ်္ဂိုလ် ဒေါ်အောင်ဆန်းစုကြည်ကပြောကြားလိုက်ပါတယ်။ နေပြည်တော်မှာရှိတဲ့ မြန်မာအပြည်ပြည်ဆိုင်ရာကွန်ဗစ်ရှင်း ဗဟိုဌာန(၂) MICC-2 မှာ ပြုလုပ်ခဲ့တဲ့ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူစာချုပ်(NCA) ကို မွန်ပြည်သစ်ပါတီ (NMSP) နဲ့ လားဟူဒီမိုကရစ်အစည်းအရုံး(LDU) တို့က လတ်မှတ်ရေးထိုးခြင်းအခမ်းအနားမှာ မိန့်ခွန်းပြောကြားစဉ် နိုင်ငံတော်၏အတိုင်ပင်ခံပုဂ်္ဂိုလ်က ထည့်သွင်းပြောကြားခဲ့တာပါ။ ပြည်သူတွေအနေနဲ့ ၂၁ ရာစုပင်လုံညီလာခံကို မျှော်လင့်ချက်ကြီးမားစွာနဲ့ စောင့်ကြည့်နေကြပြီး ငြိမ်းချမ်းရေးမရရှိလို့ ညီညွတ်ရေးပြိုကွဲခဲ့တဲ့ အမှောင်ထုကြီးကို ဖြိုခွင်းနိုင်မဲ့ အခွင့်အရေးဟာ အားလုံးရှေ့ကိုရောက်နေပြီလို့ ဆိုပါတယ်။
 
အဲဒီအခွင့်အရေးကို အလဟသမဖြစ်စေပဲ ငြိမ်းချမ်းရေးကို နှစ်ပေါင်းများစွာမျှော်လင့် တောင့်တနေတဲ့ ပြည်သူတွေနဲ့အတူ ရဲရဲတင်းတင်း ရှေ့ဆက်တိုး ကြဖို့ တိုက်တွန်းခဲ့ပါတယ်။ 
 
ဒါ့အပြင် အဆိုပါအခမ်းအနားကို တက်ရောက်အမှာစကားပြောကြားခဲ့တဲ့ တပ်မတော် ကာကွယ်ရေးဦးစီးချုပ် ဗိုလ်ချုပ်မှုးကြီးမင်းအောင်လှိုင်ကလဲ လက်နက်ကိုင်ပဋိပက္ခတွေရဲ့ ဆိုးကျိုးတွေကို ပထမဆုံး ရင်ဆိုင်ခံစားကြရတာဟာ ပြည်သူတွေဖြစ်ပြီး နောက်ဆက်တွဲဆိုးကျိုးတွေ ကိုတော့တပ်မတော်သား၊ လက်နက်ကိုင်အဖွဲ့အစည်းတွေအပါအ၀င် ပြည်သူတွေအားလုံး ခံစားကြရမှာဖြစ်လို့ စစ်မှန်ပြီး ရေရှည်တည်တံ့ခိုင်မြဲတဲ့ ထာဝရငြိမ်းချမ်းရေးကို အမြန်ဆုံးရရှိအောင်မြင် အောင် ကြိုးစားဆောင်ရွက်ကြဖို့ လိုအပ်ကြောင်းပြောကြားခဲ့ပါတယ်။ ဖေဖော်ဝါရီလ ၁၃ရက်က တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)မှာ လက်မှတ်ရေးထိုးခဲ့တဲ့ မွန်ပြည်သစ်ပါတီ (NMSP) နဲ့ လားဟူဒီမိုကရစ်အစည်းအရုံး (LDU)  တို့ အပါအ၀င် NCA  စာချူပ်မှာ လတ်မှတ်ရေးထိုးခဲ့တဲ့ တိုင်းရင်းသားလက်ကိုင်အဖွဲ့အစည်းပေါင်း ၁၀ဖွဲ့အထိရှိလာပြီလို့ သိရပါတယ်။ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA)  ကို လက်မှတ်ရေးထိုးခဲ့တဲ့ မွန်ပြည်သစ်ပါတီ (NMSP) နဲ့ လားဟူဒီမိုကရစ်အစည်းအရုံး(LDU)တို့ဟာ ယခုအစိုးရလက်ထက်တွင် ပထမဦးဆုံး  NCA စာချုပ်မှာ လက်မှတ်ရေးထိုးခဲ့တဲ့ အဖွဲ့တွေဖြစ်ကာ လက်မှတ်ရေးထိုးဖို့ ကျန်ရှိနေသေးတဲ့ တိုင်းရင်းသားလက်နက်ကိုင် အဖွဲ့တွေကိုလဲ ပါဝင်လက်မှတ်ထိုးနိုင်ရေး ကြိုးစားဆောင်ရွက်သွားမယ်လို့ သိရပါတယ်။
 
 

Related News