ဗိုလ်တထောင်ကျိုက်ဒေးအပ်စေတီ ပြန်လည်ပြင်ဆင်မွမ်းမံ ဆောင်ရွက်ဖို့အတွက် စိန်ဖူးတော်၊ ထီးတော်နှင့် ငှက်မြတ်နားတော်တို့ကို စေတီတော်ကြီးပရ၀န်အတွင်းက နန်းဦးတန်ဆောင်းမှာ ဖေဖော်ဝါရီ ၁၁ ရက်က 
ပင့်ဆောင်ပူဇော်ပါတယ်။ဗိုလ်တထောင်ကျိုက်ဒေးအပ်စေတီတော်ကြီးဟာ ၂၀၀၁ ခုနှစ်က ဘက်စုံပြန်လည်မွမ်းမံပြီး နောက်ပိုင်း ပြင်ဆင်ထိန်းသိမ်းမှုတွေ လိုအပ်လာပြီး စေတီတော်ကြီး ကိုယ်လုံးတော် ကို 
ပြန်လည်ပြင်ဆင်ဖို့ နဲ့စိန်ဖူးတော် ၊ ထီးတော် နှင့် ငှက်မြတ်နားတော် တို့ မှာလည်း ရည်ရှည် ခိုင်ခန့် ဖို့ရည်ရွယ်ပြီး အသစ်ပြန်လည် ကပ်လှူတော့ မှာ ဖြစ်ပါတယ်။
 
ဒါကြောင့် လက်ရှိ စိန်ဖူးတော် ၊ ထီးတော် နှင့် ငှက်မြတ်နားတော်တို့ကို နန်းဦးတန်ဆောင်းသို့ ပင့်ဆောင်ပြီး ရဟန်းရှင်လူတွေဖူးမျှော်နိုင်ဖို့ အပူဇော်ခံထားရှိပါတယ်။ဗိုလ်တထောင်ကျိုက်ဒေးအပ်စေတီတော်ရဲ့ ထီးတော်အသစ်ကိုတော့ လာမယ့် ကဆုန်လပြည့် မှာ တင်လှူပူဇော် သွားမှာဖြစ်ပါတယ်။ အသစ်တင်လှူမည့် စိန်ဖူးတော်၊ ထီးတော်နှင့် ငှက်မြတ်နားတော် တို့ကိုရွှေပိဿချိန် (၄၀) ကိုအသုးံပြုပြီး တင်လှူပူဇော်မှာလည်းဖြစ်ပါတယ်။
 
ဒါအပြင်မူလထီးတော် အဟာင်းမှာပါရှိပြီးသား ရတနာပစ္စည်းတွေကို စနစ်တကျ ပြန်လည် အသုးံပြုသွားမယ်လို့ သိရပါတယ်။ အသစ်တင်လှူမည့် ထီးတော်ဟာ ရွှေတိဂုံစေတီတော်ကြီးက ထီးတော်ပုံစံ ဖြစ်တယ်လို့လည်း ပြောပါတယ်။ဗိုလ်တထောင်စေတီတော်ကြီးကို လွန်ခဲ့တဲ့ နှစ်ပေါင်း ၂၆၀၀ လောက်က တည်ထားခဲ့ပြီး ဒုတိယကမ္ဘာစစ် အတွင်းမှာတော့ ဗုံးဒဏ်သင့်ခဲ့တယ်လို့ ဆိုပါတယ်။ လွတ်လပ်ရေးရခဲ့တဲ့ ၁၉၄၈ ခုနှစ်မှာ ပြန်လည်တည်ထားခဲ့ပြီး ဘက်စုံမွမ်းမံ မှုတွေကို ၂၀၀၁ ခုနှစ်မှာ ပြုလုပ်ခဲ့ပါတယ်။ ထီးတော်ကြီးကိုတော့ နောက်ဆုးံ ၂၀၀၆ ခုနှစ်မှာ တင်လှူ ပူဇော်ခဲ့တာလည်း ဖြစ်ပါတယ်။ ရန်ကုန်မြို့ရှိ ပြည်တွင်းပြည်ပ ခရီးသွား ဘုရားဖူး အများဆုးံ 
လာရောက်ဖူးမျှော်တဲ့ ဘုရားသုံးဆူမှာ ဗိုလ်တစ်ထောင်စေတီတော်မြတ်ကြီးလည်း ပါဝင်ပါတယ်။
 
 
 

Related News