ပြည်တွင်းမှာ အဓိကမွေးမြူထုတ်လုပ်နေတဲ့ ငါးမြစ်ချင်းက အရှေ့အလယ်ပိုင်းနိုင်ငံတွေကို တင်ပို့နေရတာဖြစ်ပြီး ၂၀၁၇ နှစ်ကုန်ပိုင်းကတည်းက ပြည်ပမှ ၀ယ်လိုအားကျဆင်းလာတာကြောင့် ပြည်တွင်း ငါးမြစ်ချင်းတစ်ပိဿာဈေး ကျဆင်းသွားပြီး ဈေးကွက်ပျက်နေတယ်လို့ ငါးမွေးမြူရေး လုပ်ငန်းရှင်တွေက ပြောပါတယ်။ငါးမြစ်ချင်းကို ပြည်ပကနေ မှာယူမှု ကျဆင်းလာတာကြောင့် ပြည်တွင်းဈေးကွက်မှာ ငါးမြစ်ချင်း တစ်ပိဿာဈေး သုံးထောင်ကျော်ကနေ ၂၇၀၀ ကျော်အထိ လျော့ကျသွားပြီး  ငါးမွေးမြူရေးလုပ်ငန်းရှင်တွေ အရှုံးပေါ်နေတယ်လို့သိရပါတယ်။ ၀င်ငွေအလယ်အလတ်ရတဲ့ လုပ်သားတွေအများဆုံးနေထိုင်တဲ့ အရှေ့အလယ်ပိုင်းဒေသနဲ့ ဖွံ့ဖြိုးဆဲနိုင်ငံတွေက ငါးမြစ်ချင်းကို အဓိကမှာယူ စားသုံးနေတာဖြစ်ပါတယ်။
 
ပြည်တွင်း ရေချိုငါးမွေးမြူရေးလုပ်ငန်းမှာ ငါးမြစ်ချင်း၊ ငါးတန်နဲ့ ငါးကြင်းတို့ကို မွေးမြူနေကြပေမယ့် ငါးမြစ်ချင်းက ပြည်ပနိုင်ငံတွေကို အများဆုံးတင်ပို့ နေရတဲ့ ရေထွက်ကုန်တစ်ခု ဖြစ်နေတယ်လို့ ပြောပါတယ်။မြန်မာနိုင်ငံမှာ မိရိုးဖလာအတိုင်း ရေရှည်မွေးမြူရတဲ့ ငါးမြစ်ချင်း၊ ငါးဒန်တို့ကို မွေးမြူနေ ပေမယ့် ကမ္ဘာ့ငါးဈေးကွက်မှာ အဆိုပါငါးတွေကို စားသုံးမှု ကျဆင်းနေပြီဖြစ်ပါတယ်။ ဈေးကွက် လိုအပ်ချက် ပြောင်းလဲမှုတွေ ရှိလာတာကြောင့် ငါးအမျိုးအစားတွေ ပြောင်းလဲမွေးမြူဖို့နဲ့ ကန်စနစ်တွေ အဆင့်မြှင့်တင်ဖို့ မြန်မာနိုင်ငံငါးလုပ်ငန်းအဖွဲ့ချုပ်မှာ ဖေဖော်ဝါရီ ၈ရက်က ရေလုပ်ငန်းရှင်တွေ စုပေါင်းတွေ့ဆုံဆွေးနွေးခဲ့ပါတယ်။ငါးမြစ်ချင်းကို ဈေးကွက်အတွင်း ရောင်းချနိုင်ဖို့ နှစ်နှစ်ကနေ သုံးနှစ်အထိ ရေရှည်မွေးမြူရပြီး တန်ဖိုးနည်းငါးဖြစ်တာကြောင့် ပြည်ပတင်ပို့ပေမယ့် ၀င်ငွေရရှိမှု ရာခိုင်နှုန်းနည်း တယ်လို့ သိရပါတယ်။
 
 
 

Related News