ယာဉ်များကိုစစ်ဆေးတဲ့အခါမှာ စက်ပစ္စည်းကိရိယာတွေနဲ့ စစ်ဆေးနိုင်ဖို့အတွက် ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ(Jica) ရဲ့ အကူအညီနဲ့ ကုန်းလမ်းပို့ဆောင်ရေး ညွှန်ကြားမှုဦးစီးဌာနတို့ပူးပေါင်းပြီး မြင်သာ(ကညန)ရုံးမှာ ဖေဖော်ဝါရီ(၁၀)ရက်က လာရောက်တပ်ဆင်ပေးခဲ့ပါတယ်။အခုတပ်ဆင်ပေးတဲ့ စက်ပစ္စည်းကိရိယာတွေဟာ ဂျပန်နိုင်ငံမှာ ယာဉ်စစ်ဆေးတဲ့အခါ အသုံးပြုနေတဲ့ပစ္စည်းတွေဖြစ်ပြီး Jica ရဲ့ အကူအညီနဲ့ (Asen)အန်းစန်း Motor Car ကုမ္ပဏီမှ လာရောက်တပ်ဆင်ပေးတာဖြစ်ပါတယ်။
 
ဒီစနစ်တပ်ဆင်ပေးမှုဟာ မြန်မာနိုင်ငံမှာ အသုံးပြုနေတဲ့ မော်တော်ယာဉ်တွေ အားလုံး ကြံ့ခိုင်မှုရှိစေပြီး အန္တရာယ်ကင်းစွာမောင်းနှင်နိုင်ဖို့ ဖြစ်တယ်လို့ ပြောပါတယ်။ အရင်ကတော့ ယာဉ်ကြံ့ခိုင်မှုအပိုင်းတွေကို မျက်မြင်နဲ့သာစစ်ဆေး ခဲ့ရကာ ယခုအခါ  Jica  ရဲ့အကူအညီနဲ့ ယာဉ်စစ်ဆေးဖို့အဆောက်အဦး တည်ဆောက်တာတွေနဲ့ စက်ပစ္စည်း ကိရိယာတွေတပ်ဆင်ပြီး ဆာဗေးအနေနဲ့ မြင်သာ(ကညန)မှာမှတ်ပုံတင်ထားတဲ့ ယာဉ်မျိုးစုံကို စစ်ဆေးပေးသွားမယ်လို့ ဆိုပါတယ်။ဆာဗေးအစီအစဉ်ကို ဂျပန်နိုင်ငံမှာရှိတဲ့ ပုဂ္ဂလိကကုမ္ပဏီတွေမှ အဆိုပြုတင်သွင်းလိုက်တဲ့ Project ကို မြန်မာနိုင်ငံမှာ လာရောက်သရုပ်ပြဖြန့်ဖြူးတာဖြစ်ပါတယ်။
 
လက်ရှိမြန်မာနိုင်ငံမှာ ယာဉ်စစ်ဆေးမှုတွေထဲက တစ်ခုအပါအ၀င်ဖြစ်တဲ့ နှစ်လဲယာဉ်တွေကို မျက်မြင်နဲ့စစ်ဆေးခြင်း မပြုလုပ်ဖို့နဲ့ စက်ဖြင့်စစ်ဆေးနိုင်ဖို့ လာရောက်တပ်ဆင်ပေးတာ ဖြစ်ပါတယ်။မြန်မာနိုင်ငံမှာ ယာဉ်မျိုးစုံကြံ့ခိုင်ဖို့အတွက် စက်နဲ့စစ်ဆေးမှုတွေကို ပြီးခဲ့တဲ့(၂၀၀၅)ခုနှစ် တည်းက စတင်ဆောင်ရွက် ခဲ့တာဖြစ်ပြီး အဲ့ဒီယာဉ်စစ်ဆေးတဲ့Testing (၁၈)ခုရှိနေပြီဖြစ်ပါတယ်။ ဒါကြောင့်အခုရောက်ရှိနေတဲ့ ယာဉ်စစ်ဆေးမှု စက်ပစ္စည်းတွေနဲ့ ကားမျိုးစုံကိုစစ်ဆေးမှုပြုလုပ်ပြီး ယာဉ်တွေရဲ့ချွတ်ယွင်းချက်တွေကို စစ်ဆေးပြီး ဘယ်လိုမြှင့်တင် ဆောင်ရွက်ရမလဲဆိုတာတွေကိုပါ ဆွေးနွေးတိုင်ပင်သွားမယ်လို့ သိရပါတယ်။
 
 
 

Related News