ပထမအကြိမ်လွှတ်တော်က ဆုံးဖြတ်ထားတဲ့ ကိစ္စတွေကို ဆက်လက်အကောင်အထည်ဖော်သွားမှာ ဖြစ်လို့ ရန်ကုန်ကြည့်မြင်တိုင်တဖက်ကမ်းက မြို့သစ်စီမံကိန်းကိုလည်း ဆက်လက်အကောင်အထည် ဖော်သွားမှာဖြစ်တယ်လို့ ရန်ကုန်တိုင်းဒေသကြီးဝန်ကြီးချုပ်က ပြောပါတယ်။ပုဂ္ဂလိကကဏ္ဍ ဖွံ့ဖြိုးဖို့အတွက် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီအနေနဲ့ ရင်နှီးမြှုပ်နှံလိုတဲ့ လုပ်ငန်းရှင်တွေ အခက်အခဲရှိပါက ကူညီသွားမှာဖြစ်ကာ လုပ်ငန်းလုပ်ဆောင်ဖို့ မြေနေရာလိုအပ်ပါက စည်ပင်သာယာမြေကို ငှားရမ်းပေးနိုင်ပြီး သက်သာတဲ့ မြေငှားရမ်းခနှင့် ဆောင်ရွက်ပေးမယ်လို့ ပြောပါတယ်။ လက်ရှိမြေနေရာတွေကို ဖော်ထုတ်ဖို့ ရန်ကုန်ကြည့်မြင်တိုင် တစ်ဘက်ကမ်း မြို့သစ်စီမံကိန်းကို အကောင်ဖော်နေတာ အဆင့်တစ်ခုကို ရောက်နေပြီလို့လည်း ၀န်ကြီးချုပ်က ဆိုပါတယ်။
 
ဒီစီမံကိန်းကို မူလက ပုဂ္ဂလိက ကုမ္ပဏီ ၃ ခုက ဆောင်ရွက်ဖို့ဖြစ်ပေမယ့်  လက်ရှိမှာတော့ ရန်ကုန်တိုင်းဒေသကြီး အစိုးရအဖွဲ့က ကြီးကြပ်ပြီး အကောင်အထည်ဖော်သွားဖို့ ရှိတယ်လို့ သိရပါတယ်။ မြို့သစ်စီမံကိန်းမှာ ဖွံ့ဖြိုးရေးအစီအမံတွေအဖြစ် ကျူးကျော်နေထိုင်သူတွေအတွက် တန်ဖိုးနည်းအိမ်ရာတွေ၊ စီးပွားရေးဆိုင်ရာ အဆောက်အဦးတွေ၊ စက်မှုလက်မှုလုပ်ငန်းတွေလည်း ပါဝင်လာမယ်လို့ ပြောပါတယ်။ လက်ရှိ လွှတ်တော်သက်တမ်းဟာ ဒုတိယအကြိမ်ဖြစ်ပြီး ပထမအကြိမ်လွှတ်တော်ရဲ့ ဆုံးဖြတ်ချက်တွေကို လက်ခံခဲ့ရတာဖြစ်လို့ ဒီစီမံကိန်းကို ဆက်လက်အကောင်အထည်ဖော်မှာ ဖြစ်တယ်လို့သိရပါတယ်။
 
ကြည့်မြင်တိုင်တစ်ဖက်ကမ်းမှာ အကောင်အထည်ဖော်မယ့်စီမံကိန်းဟာ တွံတေးနှင့် ဆိပ်ကြီးခနောင်တို မြို့နယ်တွေရှိ မြေဧကစုစုပေါင်း နှစ်သောင်းကျော်မှာ အကောင်အထည်ဖော်မှာ ဖြစ်ပါတယ်။ ဒီစီမံကိန်းဟာ ပြီးခဲ့တဲ့အစိုးရက အကောင်အထည်ဖော်ဖို့ ကြိုးစားခဲ့တဲ့ ရန်ကုန်မြို့ပြ ဖွံ့ဖြိုးရေး မဟာဗျူဟာစီမံကိန်းရဲ့ အစိတ်အပိုင်းလည်း ဖြစ်ပါတယ်။ လက်ရှိ ရန်ကုန်တိုင်းဒေသကြီး အတွင်း အမေရိကန်ဒေါ်လာ ၅ သန်းနှင့်အောက် ရင်နှီးမြုပ်နှံမှုတွေအတွက် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီက လုပ်ငန်းအတွက် မြေနေရာကအစ လိုအပ်ရင်ကူညီနေပေးနေတယ်လို့ သိရပါတယ်။  
 
 
 

Related News