ဗိုလ်တထောင် ကျိုက်ဒေးအပ်စေတီတော်ကြီး ရွှေသင်္ကန်းကပ်ဖို့ ပြင်ဆင်နေချိန် ကြံ့ခိုင်ရေး အတွက် စစ်ဆေးဖို့ လိုအပ်လာလို့ စေတီတော်ကြီးနဲ့  မြေကြီးခံနိုင်ဝန်တွေကို စစ်ဆေးနေပြီး လိုအပ်တဲ့ အပိုင်းတွေကိုလည်း ပြင်ဆင်မှုတွေ လုပ်ဆောင်သွားမယ်လို့ ဗိုလ်တထောင်စေတီတော်ကြီး ဂေါပက အဖွဲ့ဝင်တွေက ပြောပါတယ်။
 
ဗိုလ်တထောင် ကျိုက်ဒေးအပ် ဆံတော်ဦးစေတီ ဟာ ပုံမှန် ၄ နှစ်တစ်ကြိမ် ရွှေသင်္ကန်းကပ်ဖို့ ပြင်ဆင်နေချိန် စေတီတော်ကြီး ကြံ့ခိုင်မှုစစ်ဆေးဖို့ လိုအပ်လာလို့ မြန်မာနိုင်ငံ အင်ဂျင်နီယာအသင်း က အထူးအဖွဲ့ကို ခေါ်ယူစစ်ခဲ့တယ်လို့ ဆိုပါတယ်။ ဒီလိုစစ်ဆေးရာမှာ စေတီတော်ကြီးတည်ရှိရာ မြေသားခံနိုင်ဝန်နဲ့  စေတီတော်ကြီးကိုယ်လုးံတော် ၊ ထီးတော်နှင့် ငှက်မြတ်နားတော်တွေကိုလည်း စစ်ဆေးမှုတွေ ပြုလုပ်ခဲ့တယ်လို့  စေတီတော်ကြီး အလှည့်ကျ တာဝန်ခံဂေါပက ဦးမျိုးမြင့်က ပြောပါတယ်။
 
စေတီတော်ကြီး ထီးတော်နဲ့ ငှက်မြတ်နားတော် တို့မှာတော့ ကြံ့ခိုင်မှုအတွက် ပြန်လည် ပြင်ဆင်ရမယ့် အခြေအနေတွေ ရှိနေပြီး ရေရှည်ကြံခိုင်ရေးအတွက် ရည်မှန်းပြီး အသစ်တပ်ဆင် ပူဇော်သွားဖို့ စီစဉ်နေတယ်လို့ ပြောပါတယ်။ ပြည်တွင်း ပြည်ပ ခရီးသွားတွေ လာရောက်ဖူးမျှော်မှု များပြားတဲ့ စေတီတော်ကြီးကို ခေတ်အဆက်ဆက်ပြင်ဆင်မွမ်းမံတာတွေ ရှိခဲ့ပေမဲ့ အခုအကြိမ် ပြင်ဆင်မှု တွေကိုတော့ ဘက်ပေါင်းစုံက ပညာရှင်တွေ ပါဝင်မှာ ဖြစ်ကာ ခေတ်မီနည်းပညာတွေကို အသုးံပြုသွားမယ်လို့ ပြောပါတယ်။
 
ဗိုလ်တထောင် ကျိုက်ဒေးအပ် စေတီတော်ကြီးကို လွန်ခဲ့တဲ့ နှစ်ပေါင်း ၂၆၀၀ ကတည်းက တည်ထားခဲ့ပြီး ဒုတိယကမာ်္ဘစစ်အတွင်း ဗုံးဒဏ် ခံခဲ့ရတယ်လို့ သိရပါတယ်။ လွတ်လပ်းရေး ရခဲ့တဲ့ ၁၉၄၈ ခုနှစ်မှာ ပြန်လည် တည်ထားခဲ့ပြီး နောက် ၂၀၀၀ ခုနှစ်ဝန်းကျင်မှာ ဘက်စုံမွမ်းမံ ပြင်ဆင်တာတွေ ပြုလုပ်ခဲ့တယ်လို့ သိရပါတယ်။ ဒါ့အပြင် ဗုဒ္ဓဆံတော်ရှင်စေတီ အများစုဟာ စေတီတော်အတွင်း ဌာပနာထား တည်ထားခဲ့ပေမဲ့ ကျိုက်ဒေးအပ်စေတီတော်ကြီးဟာ ဆံတော်ရှင်ကို ဆံတော်တိုက် ထည့်သွင်းတည်ဆောက် အပူဇော်ခံ စေတီတော်ကြီး ဖြစ်ပါတယ်။
 
 

Related News