ရန်ကုန်တိုင်းဒေသကြီး စည်ပင်သာယာနယ်နမိတ်အတွင်းမှာ (၂၀၁၇)ခုနှစ် တစ်နှစ်တာအတွင်း ယာဉ်တိုက်မှု (၂၅၀၀)ကျော်ဖြစ်ပွားခဲ့တယ်လို့အမှတ်(၆)ဒုတပ်ဖွဲ့ခွဲ၊ ယာဉ်ထိန်းရဲတပ်ဖွဲ့ထံမှ သိရပါတယ်။ ရန်ကုန်တိုင်းအတွင်း စည်ပင်သာယာနယ်နမိတ်(၃၁)မြို့နယ်အတွင်းမှာ ယာဉ်တိုက်မှုပေါင်း (၂၅၇၁)မှုဖြစ်ပွားခဲ့တယ်လို့သိရပါတယ်။ အခုလိုဖြစ်ပွါးရာမှာ မြန်မာနိုင်ငံယာဉ်ထိန်းရဲတပ်ဖွဲ့ဝင်တွေ အနေနဲ့လည်း ယာဉ်တိုက်မှုဖြစ်ပွားတဲ့အချိန်၊ နေရာတွေနဲ့ ဖြစ်ပွားခဲ့တဲ့အကြောင်းအရာ ပေါ်မူတည်ပြီး အရေးယူဆောင်ရွက်လျှက်ရှိပါတယ်။
 
ယာဉ်မတော်တဆမှု ဖြစ်ပွားသူတွေရဲ့ အသက်အရွယ် အပိုင်းအခြားအလိုက် ယာဉ်စည်းကမ်း၊လမ်းစည်းကမ်း ဖောက်ဖျက်မှုတွေ၊ အရှိန်ပြင်း မောင်းနှင်မှုတွေ အပြင် လမ်းအသုံးပြုသူတွေ စည်းကမ်းမလိုက်နာမှုတွေကြောင့် ယာဉ်မတော်တဆမှု ဖြစ်ပွားခဲ့ တာလား ဆိုတာတွေပါ  သုံးသပ်ပြီးအရေးယူဆောင်ရွက်လျှက်ရှိတာဖြစ်ပါတယ်။ ယာဉ်တိုက်မှုကြောင့် လူဦးရေ(၅၅၈)ဦးသေဆုံးခဲ့ပြီး (၃၂၆၂)ဦးဒဏ်ရာရရှိခဲ့တယ်လို့ သိရပါတယ်။ အခုလိုဖြစ်ပွားမှုဟာ ပြီးခဲ့တဲ့(၂၀၁၆)ခုနှစ်က ဖြစ်ပွားခဲ့တဲ့ ယာဉ်တိုက်မှုအရေအတွက်နဲ့ နှိုင်းယှဉ်ပါက ပိုမိုလျော့နည်းလာတယ်လို့သိရပါတယ်။  ယာဉ်မတော်တဆမှုတွေလျော့နည်းအောင် မြန်မာနိုင်ငံယာဉ်ထိန်းရဲတပ်ဖွဲ့ဟာ အခြားသက်ဆိုင်ရာအဖွဲ့အစည်းတွေနဲ့လည်း  ပူးပေါင်းပြီး အသိပညာပေးလုပ်ငန်းတွေဆောင်ရွက်လျှက်ရှိတယ်လို့သိရပါတယ်။
 
 

Related News