လာမည့်နွေရာသီ လျှပ်စစ်မီးမပျက်စေရေးအတွက် ဓာတ်အားပေးစက်ရုံသုံးရုံ တည်ဆောက် နေကြောင်းကို ဇန်န၀ါရီလ၁၁ရက်က နေပြည်တော်မှာရှိတဲ့ လျှပ်စစ်နဲ့စွမ်းအင်ဝန်ကြီးဌာနရုံးမှာပြုလုပ်ခဲ့တဲ့ သတင်းစာ ရှင်းလင်းပွဲမှ သိရပါတယ်။  
 
လာမည့်နွေရာသီမှာ တစ်နိုင်ငံလုံးလျှပ်စစ်မီးမပြတ်စေရေးနဲ့ ဓာတ်အားအလုံအလောက်ရရှိရေး အတွက် ဓာတ်အားပေးစက်ရုံသုံးရုံကို ထပ်မံတည်ဆောက်ထားတယ်လို့ လျှပ်စစ်နဲ့စွမ်းအင်ဝန်ကြီးဌာန တာဝန်ရှိသူက ပြောကြားလိုက်ပါတယ်။ 
 
ဓာတ်အားပေးစက်ရုံသုံးခုကို သထုံမြို့၊ မြင်းခြံမြို့နဲ့ ရန်ကုန်တိုင်းဒေသကြီး သာကေတမြို့နယ်တို့မှာ တည်ဆောက်နေတာဖြစ်ပြီး ယခု၂၀၁၈နွေရာသီ မတိုင်မီမှာ ပြီးစီးမှာဖြစ်ကာ အဲဒီဓာတ်အားပေး စက်ရုံကနေ လျှပ်စစ်ဓာတ်အား ၄၅၀ မဂ်္ဂါဝပ် လောက် ထပ်တိုးလာမယ်လို့ သိရပါတယ်။ ဒါကြောင့်လာမဲ့ နွေရာသီမှာ လူကြောင့်ဖြစ်တဲ့ချို့ယွင်းချက်ကြောင့်သော်လည်ကောင်း၊ ရာသီဥတု အခြေအနေကြောင့်သော်လည်ကောင်း၊ မတော်တဆမူတွေသာ မဖြစ်ပွားပါက လျှပ်စစ်ဓာတ်အား ပြတ်တောက်မှု မရှိနိုင်ဘူးလို့ ဆိုပါတယ်။ 
 
အဲဒီဓာတ်အားပေးစက်ရုံသုံးရုံထဲက မြင်းခြံဒေသမှာ တည်ဆောက်ခဲ့တဲ့ ဓာတ်အားပေးစက်ရုံဟာ တည်ဆောက်ပြီးစီးဖြစ်ကာ ပြီးခဲ့တဲ့ ဒီဇင်ဘာလ တတိယပတ်က စမ်းသပ်မူတွေပြုလုပ်ခဲ့တယ်လို့ သိရပါတယ်။ ရန်ကုန်တိုင်းဒေသကြီး သာကေတ မြို့နယ်မှာ တည်ဆောက်ခဲ့တဲ့ ဓာတ်အားပေး စက်ရုံကိုလည်း ယခုလအတွင်း စမ်းသပ်မောင်းနှင်ခြင်း တွေပြုလုပ်သွားမယ်လို့ ဆိုပါတယ်။ 
 
လက်ရှိပြည်တွင်းမှာ လျှပ်စစ်ဓာတ်အားထုတ်လုပ် ဖြန့်ဖြုးရေးအတွက် ရေအားလျှပ်စစ်ဓာတ်အား ပေးရုံ၂၇ရုံ၊ သဘာဝဓာတ်ငွေ့သုံးဓာတ်အားပေးရုံ ၂၂ရုံ၊ ကျောက်မီးသွေးသုံး ဓာတ်အားပေးစက်ရုံတစ်ရုံ တို့ကနေ ထွက်ရှိတဲ့ လျှပ်စစ်ဓာတ်အား မဂ်္ဂါဝပ် ၃၀၀၀ကျော် နဲ့ တစ်နိုင်ငံလုံးမှာရှိတဲ့ လူဦးရေရဲ့ ၃၈ရာခိုင်နှုန်းအထိ လျှပ်စစ်ဓာတ်အား ဖြန့်ဖြုးပေးနေတယ်လို့ သိရပါတယ်။
 
 

Related News