မန္တလေးကခရုပန်းချီတီထွင်ဖန်တီးသူပညာရှင်တစ်ဦးရဲ့ လက်ရာတွေကို မန္တလေးတောင် ပန်းချီပြခန်းမှာ ဇန်န၀ါရီလ (၉)ရက်ကနေ(၁၁)ရက်အထိပထမဆုံးအကြိမ် ပြသလျက်ရှိတယ်လို့ သိရပါတယ်။အခုပြသနေတဲ့ ခရုငယ်တွေနဲ့ စီခြယ်ရေးဆွဲထားတဲ့ ခရုပန်းချီကားတွေကိုတော့ ခရုပန်းချီကို တီထွင်ဖန်တီးသူတစ်ဦးဖြစ်တဲ့ ဆရာဦးလုံးကဖန်တီးထားတာ ဖြစ်ပါတယ်။ ဆရာဦးလုံးအနေနဲ့ ခရုပန်းချီတီထွင်ဖန်တီးဖြစ်တာဟာ ရခိုင်ကမ်းခြေဒေသဘက်မှာ ကြက်တွေကို အစာကျွေးတဲ့ ခရုငယ်တွေကို တွေ့ရှိရာကနေ စိတ်ကူးပေါ်ခဲ့တာဖြစ်ပြီး အခုလိုခရုပန်းချီကားတွေကို အကောင်အထည်ဖေါ် ဖန်တီးခဲ့တာဖြစ်တယ်လို့ ပြောပါတယ်။ ဆရာဦးလုံးအနေနဲ့ ခရုပန်းချီကားတွေကို ၂၀၁၅ ကစတင်ဖန်တီးခဲ့ပြီး အခုဆိုရင်ကားပေါင်း (၁၀၀) ကျော် ဖန်တီးထားပြီးဖြစ်တယ်လို့ သိရပါတယ်။
 
ဒီလို ပုံသဏ္ဍာန်တူ ပန်းချီတွေမှာဆိုရင် ကျောက်စီပန်းချီ၊ ကောက်ရိုး၊ ငှက်တောင်၊ ၀ါးရွက်တွေနဲ့ ဖန်တီးထားတဲ့ပန်းချီစတဲ့ပန်းချီတွေလည်း ပါဝင်တယ်လို့ သိရပါတယ်။  အခုလိုခရုတွေနဲ့ စီခြယ်ရေးဆွဲတဲ့ ပန်းချီပညာကို စိတ်ဝင်စားတဲ့လူငယ်တွေလည်းရှိနေပြီး လေ့လာသင်ယူနေတဲ့ လူငယ်တွေကို ဆရာဦးလုံးက လက်ဆင့်ကမ်းသင်ကြားပေးနေပါတယ်။ အခုလိုခရုပန်းချီတွေကို ဖန်တီးတဲ့ပညာဟာအခုအချိန်မှာရှားပါးတဲ့ ပညာရပ်တစ်ခုဖြစ်ပြီး ခရုပန်းချီပညာပြန့်ပွားဖို့၊ အများကပါ အားပေးလာဖို့နဲ့ ခရုတွေထွက်တဲ့ ဒေသတွေမှာလည်း ဒေသခံတွေအနေနဲ့ ခရုပန်းချီတွေဖန်တီးလာဖို့ မျှော်လင့်တယ်လို့ ခရုပန်းချီဦးလုံးက ပြောပါတယ်။
 
 
 

Related News