ပြည်တွင်းက လူငယ်တွေအတွက်ရည်ရွယ်ပြီး Yangon Innovation Centre ဖွင့်လှစ်ဖို့ သတင်းစာရှင်းလင်းပွဲကို ဇန်န၀ါရီလ (၉)ရက်က ရန်ကုန်မြို့ကျန်းမာရေးဆိပ်ကမ်းမှာ ပြုလုပ်ခဲ့ပါတယ်။
အစိုးရ တက္ကသိုလ်တွေနဲ့ပြင်ပပုဂ္ဂလိကကျောင်းပြီးသွားတဲ့ ကျောင်းသားကျောင်းသူ လူငယ်တွေအတွက် အလုပ်အကိုင်အခွင့်အလမ်းတွေနဲ့ အနာဂတ်အတွက်ရည်ရွယ်ပြီး Yangon Innovation Centre ကို ဖွင့်လှစ်ရန်ဆောင်ရွက်တာ ဖြစ်တယ်လို့ သိရပါတယ်။Yangon Innovation Centre ဖွင့်လှစ်နိုင်ရန်အတွက် လွန်ခဲ့တဲ့ (၁)နှစ်ကတည်းက စတင်ပြင်ဆင်ဆောင်ရွက်နေတာဖြစ်ပါတယ်။
 
ဒါ့အပြင် တက္ကသိုလ်တွေနဲ့ကျောင်းက မွေးထုတ်လိုက်တဲ့ ကျောင်းသားကျောင်းသူတွေအနေနဲ့ အလုပ်ခွင်နဲ့ ချိတ်ဆက်မှုအားနည်းနေသလို အစိုးရတစ်ရပ်နဲ့လူငယ်တွေ ချိတ်ဆက်မှု အားနည်းနေတာကိုပါInnovation Centre မှာ ထည့်သွင်းထားတယ်လို့ ပြောပါတယ်။Yangon Innovation Centre  ဖွဲ့စည်းရာမှာလည်း တိုင်းဒေသကြီးအစိုးရအဖွဲ့က ၀န်ကြီး(၃)ဦးပါဝင်ပြီး စီပွားရေးလုပ်ငန်းရှင်တွေ ပါဝင်တယ်လို့ သိရပါတယ်။Yangon Innovation Centre phase(၁) ကို တာဝန်ယူအကောင်အထည်ဖော် ဆောင်ရွက်ဖို့အတွက် ကုမ္ပဏီတွေကို တင်ဒါခေါ်ယူသွားမှာဖြစ်ပြီး မတ်လမှာ လူတွေ့စစ်ဆေးသွားမှာဖြစ်ကာ  တင်ဒါအောင်တဲ့ ကုမ္ပဏီကိုတော့ ဧပြီလမှာစာချုပ်ချုပ်ဆိုသွားမှာဖြစ်တယ်လို့သိရပါတယ်။
 
ဒါ့အပြင် လူငယ်တွေကတီထွင်ခဲ့တဲ့ နည်းပညာပိုင်းတွေကို ကာကွယ်ပေးနိုင်မယ့်IP Lawကိုလည်း ထွက်ပေါ်လာအောင်ဆောင်ရွက်သွားဖို့ရှိတယ်လို့ ဆိုပါတယ်။Yangon Innovation Centre မှာ နည်းပညာကုမ္ပဏီပေါင်း(၂၀)ကိုဖိတ်ခေါ်ထားပြီး နည်းပညာကုမ္ပဏီတွေအနေနဲ့လည်း Innovation Centre ကိုစိတ်ဝင်စားမှုများလာတယ်လို့လည်း သိရပါတယ်။
 
 
 

Related News