မြန်မာနိုင်ငံလူမှုကယ်ဆယ်ရေးအဖွဲ့ချုပ်အနေနဲ့ အရေးပေါ်ကယ်ဆယ်ရေးသင်တန်းတွေကို သင်ကြားပေးနေပြီး ဆင့်ပွားသင်တန်းတွေကိုလည်းသင်ကြားပေးသွားမယ်လို့ အောက်တိုဘာလ (၁၆)ရက်က သာကေတအ၀ိုင်းမှာ ပြုလုပ်ခဲ့တဲ့ အရေးပေါ်ကယ်ဆယ်ရေးသရုပ်ပြပွဲမှသိရပါတယ်။    မြန်မာနိုင်ငံလူမှုကယ်ဆယ်ရေးအဖွဲ့ချုပ်အနေနဲ့ အရေးပေါ်ကယ်ဆယ်ရေးသင်တန်းတွေကို ပြည်နယ်နဲ့တိုင်းဒေသကြီးအလိုက်သင်ကြားပေးနေပြီး အခုသင်ကြားပေးတဲ့ သင်တန်းအမှတ်စဉ် (၂၀)မှာတော့ ကချင်ပြည်နယ်၊ ရှမ်းပြည်နယ်၊ ကယားပြည်နယ်၊ ရခိုင်ပြည်နယ်စတဲ့ဒေသတွေက သင်တန်းသား၊သင်တန်းသူအယောက်(၃၀၀)ကျော် တက်ရောက်ခဲ့တယ်လို့သိရပါတယ်။ဒီအရေးပေါ် ကယ်ဆယ်ရေးသင်တန်းကတော့ ပရဟိတသမားတွေအနေနဲ့ အရေးပေါ်လူနာတွေကို ကယ်ဆယ်၊ ပြုစု၊ စောင့်ရှောက်၊ကိုင်တွယ်ပုံတွေနည်းမှန်လမ်းမှန်နဲ့ကယ်ဆယ်နိုင်ဖို့ ဖြစ်တယ်လို့သိရပါတယ်။သင်တန်းသားတွေအနေနဲ့ယခင်က အရေးပေါ်လူနာတွေကိုကယ်ဆယ်စဉ်ကအသုံးပြုခဲ့တဲ့  နည်းလမ်းတချို့ဟာ အမှားတွေပါဝင်ခဲ့ပြီး ယခုသင်တန်းတက်ပြီးနောက် အရေးပေါ်လူနာတွေကို နည်းလမ်းမှန်စွာနဲ့ ကယ်ဆယ်နည်း၊ ပြုစုနည်း၊ စောင့်ရှောက်နည်းတွေကို ကယ်ဆယ်နိုင်တယ်လို့ သင်တန်းသားတစ်ဦးကပြောပါတယ်။

မြန်မာနိုင်ငံလူမှုကယ်ဆယ်ရေးအဖွဲ့ချုပ်အနေနဲ့ နိုင်ငံတကာအဆင့်မှီအရေးပေါ်သင်တန်းတွေကို (၂၀၁၁)ခုနှစ် နောက်ပိုင်းကစပြီး အခမဲ့သင်ကြားပေးနေတာဖြစ်ပြီး တစ်နိုင်ငံလုံးမှာအဖွဲ့ဝင်ပေါင်း (၅)သောင်းကျော်ရှိနေပြီလို့ သိရပါတယ်။ သင်တန်းမှာဘာသာရပ်(၂၄)မျိုးပါဝင်ပြီး မြေပြင် မတော်တဆမှု၊ မီးဘေး၊ ရေဘေး၊ လေဘေးနဲ့ ငလျင်တွေဖြစ်လာတဲ့အခါ အရေးပေါ်ကယ်ဆယ်ရတဲ့ နည်းပညာတွေကိုသင်ကြားပေးနေတာဖြစ်ပါတယ်။

 

 

Related News