ရန်ကုန်တိုင်းဒေသကြီး ရဲတပ်ဖွဲ့အစီအစဉ်နဲ့ ဖွင့်လှစ်သင်ကြားပေးတဲ့ ပြည်သူဗဟိုပြု ရဲလုပ်ငန်းစနစ်(ဆင့်ပွား)သင်တန်းအမှတ်စဉ် (၈/၂၀၁၇)ဖွင့်ပွဲအခမ်းအနားကို အောက်တိုဘာလ (၁၆)ရက်က ရန်ကုန်တိုင်းဒေသကြီးရဲတပ်ဖွဲ့မှူးရုံးမှာ ဖွင့်လှစ်ခဲ့ပါတယ်။

 ပြည်သူကိုဗဟိုပြုတဲ့ ရဲလုပ်ငန်းစနစ်ဆိုင်ရာတွေကို နိုင်ငံတကာအဆင့်မီလုပ်ဆောင်နိုင်အောင် ရန်ကုန်တိုင်းရဲတပ်ဖွဲ့က ၂၀၁၄ ခုနှစ်ကတည်းက ဥရောပသမဂ္ဂနဲ့ ပူးပေါင်းကာ စတင်သင်ကြား လေ့ကျင့်လုပ်ဆောင်လာခဲ့တာပါ။ အခုဆို တိုင်းရဲတပ်ဖွဲ့က သင်တန်းနည်းပြတွေက ဆင့်ပွားသင်တန်းတွေ သင်ကြားလေ့ကျင့်ပေးနေပြီး ဒီနှစ်အတွင်း(၈)ကြိမ်မြောက်သင်တန်းအဖြစ် ဖွင့်လှစ်သင်ကြားပေးလိုက်တာဖြစ်တယ်လို့ သိရပါတယ်။တရားဥပဒေစိုးမိုးရေးလုပ်ငန်းတွေ လုပ်ဆောင်တဲ့အခါမှာ ပြည်သူလူထုပူးပေါင်း ပါဝင်လာအောင် စည်းရုံးလုပ်ဆောင်ဖို့၊ ပြည်သူတွေရဲ့လိုအပ်ချက်တွေကို  အဆင်ပြေအောင် ဖြည့်ဆည်းပေးဖို့၊ စည်းရုံးရေးကောင်းမွန်ပြီး အရည်အချင်းပြည်ဝတဲ့ ရဲတပ်ဖွဲ့ဝင်တွေဖြစ်စေဖို့ ရည်ရွယ်ပြီး ဒီစနစ်ကိုလုပ်ဆောင်နေတာဖြစ်လို့သိရပါတယ်။ ဒီသင်တန်းမှာ တိုင်းရဲတပ်ဖွဲ့မှူးရုံးက တပ်ဖွဲ့ဝင်တွေ အပါအ၀င် ခရိုင်(၄)ခုက တပ်ဖွဲ့ဝင်ပေါင်း(၇၅)ဦးကို (၂)ပတ်တာသင်ကြားပေးမှာ ဖြစ်တယ်လို့ သိရပါတယ်။

ရန်ကုန်တိုင်းဒေသကြီးရဲတပ်ဖွဲ့အစီအစဉ်နဲ့ ၂၀၁၄ ခုနှစ်ကစတင်ပြီး အခုလိုဆင့်ပွား သင်တန်းတွေကို သင်တန်းအမှတ်စဉ်ပေါင်း(၃၂)ခုထိ  ဖွင့်လှစ်သင်ကြားပေးခဲ့ပြီး သင်တန်းသား အရာရှိ (၁၃၉)ဦး၊ အခြားအဆင့်(၁၉၇၈)ဦး၊ စုစုပေါင်း(၂၁၁၇)ဦးကို လေ့ကျင်သင်ကြားပေးခဲ့ပြီး ဖြစ်တယ်လို့ သိရပါတယ်။ 

 

 

Related News