ရခိုင်ပြည်နယ်၊ ဘူးသီးတောင်၊ မောင်တော၊ ရသေ့တောင်မြို့နယ်များအတွင်း ၂၀၁၇ ခုနှစ်၊ သြဂုတ်လ (၂၅)ရက်နေ့တွင် တပ်ရင်းဌာနချုပ်(၁)ခု၊ ရဲကင်းစခန်း(၃၀)ခုတို့ကို ARSA  အစွန်းရောက် ဘင်္ဂါလီအကြမ်းဖက်အဖွဲ့က တစ်ချိန်တည်း တစ်ပြိုင်နက်တည်း တိုက်ခိုက်ခဲ့ပြီး ပြည်သူများ၏ အကျိုးစီးပွားနှင့် နယ်မြေတည်ငြိမ်အေးချမ်းရေး ထိခိုက်လာသည့်အတွက် ၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ-၃၄၁ အရသော်လည်းကောင်း၊ နိုင်ငံတော်အစိုးရမှစစ်ဆင်ရေးနယ်မြေအဖြစ် သတ်မှတ်ဆောင်ရွက်ရန် တာဝန်ပေးအပ်ချက်အရလည်းကောင်း၊ အဆိုပါ ဘူးသီးတောင်၊ မောင်တောနှင့် ရသေ့တောင်မြို့နယ်များအတွင်းရှိ ARSA  အစွန်းရောက် ဘင်္ဂါလီအကြမ်းဖက်အဖွဲ့များအား ဥပဒေနှင့်အညီ ရှင်းလင်းဆောင်ရွက်ခဲ့ပါသည်။ 

ထိုသို့ဆောင်ရွက်ခဲ့မှုကြောင့် ၂၀၁၇ ခုနှစ်၊ စက်တင်ဘာလ(၅)ရက်မှ ယခုသတင်းထုတ်ပြန်ချိန် အထိ နယ်မြေတည်ငြိမ်အေးချမ်းမှုများ အထိုက်အလျောက်ရှိလာပြီးလည်းဖြစ်ကြောင်း တွေ့ရှိရပါသည်။ သို့ဖြစ်ပါ၍ နယ်မြေတည်ငြိမ်အေးချမ်းမှု ထိန်းသိမ်းရေးလုပ်ငန်းများ ဆောင်ရွက်စဉ် ကာလအတွင်း လုံခြုံရေးတပ်ဖွဲ့ဝင်များနှင့် တပ်ပိုင်းဆိုင်ရာ ဆောင်ရွက်မှုများအပေါ် ပေးအပ်သည့် တာဝန်ဝတ်္တရားများအတိုင်း ဆောင်ရွက်ခြင်း ရှိ၊ မရှိ လိုအပ်သည့် စုံစမ်းစစ်ဆေးဆောင်ရွက်မှုများကို တပ်မတော်စစ်ဆေးရေးအရာရှိချုပ် ဒုတိယဗိုလ်ချုပ်ကြီးအေးဝင်း ဦးဆောင်သည့် စုံစမ်းစစ်ဆေးရေး အဖွဲ့ဖြင့် စစ်ဆေးလျက်ရှိနေကြောင်းနှင့် အချက်အလက်အပြည့်အစုံရရှိပါက တရားဝင်သတင်း ထုတ်ပြန်မှု ပြုလုပ်သွားမည်ဖြစ်ကြောင်း တပ်မတော်သတင်းမှန်ပြန်ကြားရေးအဖွဲ့မှ  သတင်း ထုတ်ပြန်ထားပါတယ်။

 

 

Related News