မြန်မာနိုင်ငံလုံးဆိုင်ရာထေရ၀ါဒဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသ သာသနာနုဂ္ဂဟ အသင်းက ဦးဆောင်ပြီး အာရှဗုဒ္ဓဘာသာအသင်းအဖွဲ့ချုပ်ဖွဲ့စည်းခြင်းအခမ်းအနားကို အောက်တိုဘာလ(၁၂)ရက်က ရန်ကုန်မြို့  ကရ၀ိတ်နန်းတော်မှာကျင်းပပြုလုပ်ခဲ့တာဖြစ်ပါတယ်။ဗုဒ္ဓဘာသာပြန့်ပွားစေဖို့နဲ့ ဘာသာ သာသနာတော်ကြီး ကြီးပွားတိုးတက်စေရန် ပူးပေါင်း ဆောင်ရွက်ကြဖို့ အခုလိုပထမဦးဆုံးအကြိမ်အဖြစ်စတင်တည်ထောင်တာဖြစ်တယ်လို့ သိရပါတယ်။  

 အာရှဗုဒ္ဓဘာသာအသင်းအဖွဲ့ချုပ်မှာတော့  မြန်မာနိုင်ငံအပါအ၀င်၊ ထိုင်း၊ တောင်ကိုရီးယား၊ ကမ္ဘောဒီးယား၊ လာအို၊ ဗီယက်နမ်၊ စင်္ကာပူ၊ အင်ဒိုနီးရှား၊ တရုတ်၊ အိန်္ဒိယ၊သီရိလင်္ကာ၊ နီပေါနိုင်ငံအစရှိတဲ့ နိုင်ငံပေါင်း(၁၂)နိုင်ငံနဲ့ပါဝင်ဖွဲ့စည်းထားတာဖြစ်ပါ တယ်။ အာရှဗုဒ္ဓဘာသာ အသင်းအဖွဲ့ချုပ်ရဲ့ ဖွဲ့စည်းပုံအခြေခံစည်းမျဉ်းကိုတော့ ထိုင်းနိုင်ငံ မဟာချူလာလောင်ကွန် တက္ကသိုလ်မှ ပါမောက္ခချုပ်နဲ့ ဒုတိယပါမောက္ခ ဆရာတော်များက ဦးစီးရေးသားထားတာဖြစ်ပြီး တက်ရောက် လာကြတဲ့ နိုင်ငံအသီးသီးမှသံဃာတော်များက ပြန်လည်ဆွေးနွေးမှုတွေပြုလုပ်ကာ ဖွဲစည်းပုံအခြေခံ စည်းမျဉ်းကို အတည်ပြုခဲ့ကြတာဖြစ်ပါတယ်။အာရှဗုဒ္ဓဘာသာအသင်းအဖွဲ့ချုပ်ဖြစ်တည်လာရေးအတွက်  မြန်မာနိုင်ငံလုံးဆိုင်ရာထေရ၀ါဒဗုဒ္ဓ ဘာသာအဖွဲ့ချုပ်နှင့် နယ်စပ်တောင်တန်းဒေသ သာသနာနုဂ္ဂဟအသင်းကဦးဆောင်ပြုလုပ်ပြီး ထိုင်းနိုင်ငံ၊ ဗောဓိဂယာဝိဇယလျ (၉၈၀)အသင်း အထွေထွေအတွင်းရေးမှူး ဒေါက်တာစူပါချိုင်း ဗီရာပူချောင်တို့က နှစ်ဦးနှစ်ဖက်နားလည်စာချွန်လွှာကိုလည်း လက်မှတ်ရေးထိုးခဲ့ကြတာဖြစ်ပါတယ်။

 

 

Related News