မြန်မာနိုင်ငံငါးလုပ်ငန်းအဖွဲ့ချုပ်မှဖွင့်လှစ်တဲ့ ငါးပုစွန်မွေးမြူရေး သင်တန်းအတွက် စက်တင်ဘာလအစပိုင်းကတည်းက သတင်းစာတွေမှာ သင်တန်းသား တွေခေါ်ယူနေပြီး ဖောင်ပိတ်ရက် အောက်တိုဘာလ( ၇) ရက်အထိ သတ်မှတ် သင်တန်းသားဦးရေထက် ကျော်လွန်ပြီး သင်တန်းသား လေးရာကျော် လာရောက် လျှောက်ထားခဲ့တယ်လို့ သိရပါတယ်။

 ငါးပုစွန်မွေးမြူရေး သင်တန်းအတွက် ကျွမ်းကျင်လုပ်သား၊ ကြီးကြပ်ဝန်ထမ်းနဲ့ မွေးမြူရေး မန်နေဂျာဆိုပြီး ဘာသာရပ်(၃)ခုမှာ  ဘာသာရပ်(၁)ခုကို အယောက် (၆၀) နှုန်းနဲ့ သင်တန်းသား (၁၈၀) ခေါ်ယူတာဖြစ်ပါတယ်။  ဒါပေမဲ့ ဖောင်ပိတ်ရက်ဖြစ်တဲ့ အောက်တိုဘာလ ၇ ရက်အထိ လာရောက်လျှောက်ထားသူဦးရေ(၄၃၀) ကျော်ရှိနေတာကြောင့် သတ်မှတ်ထားတဲ့ သင်တန်းသား ဦးရေထက် နှစ်ဆခန့်မြင့်တက်နေတယ်လို့ သိရပါတယ်။ ဒီသင်တန်းကို တက်ရောက်ဖို့ အဏ်္ဏ၀ါ သိပ္ပံ၊ သတ္တဗေဒနဲ့ ဓာတုဗေဒ ဘွဲ့ရကျောင်းသား (၂၆၀) နီးပါး ဖောင်တင်ထားတာကြောင့် လူငယ်တွေက သားငါးကဏ္ဍနဲ့ မွေးမြူရေးအပိုင်းကို စိတ်ဝင်စား လာတာတွေ့ရပါတယ်။ဒီမွေးမြူရေး သင်တန်း အမှတ်စဉ်(၁) အတွက် ကျပ်သိန်း (၁၀၀၀) ကျော် အကုန်အကျခံထားပြီး ရွေးချယ်ခံရတဲ့ သင်တန်းသားတွေကို သင်တန်းတက်ရောက်နေတဲ့ (၃)လ အတွင်း ကျွမ်းကျင်လုပ်သား သင်တန်းမှာ (၁)လကို ငွေကျပ်လေးသောင်း၊ ကြီးကြပ်ဝန်ထမ်းသင်တန်းမှာ(၁)ကို ငွေကျပ်ငါးသောင်းနဲ့ မွေးမြူရေးမန်နေဂျာသင်တန်းမှာတေ့ာ (၁)လကို ငွေကျပ်ခြောက်သောင်းအထိ ထောက်ပံ့ပေးသွားမှာ ဖြစ်ပါတယ်။ သင်တန်းကြေးမှာ အခမဲ့ဖြစ်ပြီး သင်တန်းပြီးဆုံးတာနဲ့ ငါးလုပ်ငန်းတွေမှာ အလုပ်အကိုင် ရရှိအောင်ချိတ်ဆက်ပေးသွားမှာဖြစ်ပါတယ်။

ငါးပုစွန်မွေးမြူရေးသင်တန်းကိုလာရောက်လျှောက်ထားတဲ့သူတွေကို မြန်မာနိုင်ငံငါးလုပ်ငန်း အဖွဲ့ချုပ်မှ တာဝန်ရှိသူများမှလူတွေ့ခေါ်စစ်ဆေးနေပြီဖြစ်တယ်လို့သိရပါတယ်။    ငါးလုပ်ငန်း ဖွံ့ဖြိုးတိုးတက်ရေးအတွက် မွေးမြူရေးလုပ်ငန်း ကျွမ်းကျင်တဲ့ လူသားအရင်းအမြစ် ထုတ်လုပ်နိုင်အောင် မြန်မာနိုင်ငံငါးလုပ်ငန်းအဖွဲ့ချုပ်ရဲ့ သတ္တမမြောက်သက်တမ်းအဖြစ် ရွေးချယ် တင်မြှောက်ထားတဲ့ အမှုဆောင်အဖွဲ့ဝင်တွေနဲ့ ရန်ကုန်တိုင်းဒေသကြီး အစိုးရအဖွဲ့တို့ ပူးပေါင်းပြီး ဒီသင်တန်းကို ပထဆုံးဖွင့်လှစ်ပေးတာဖြစ်တယ်လို့သိရပါတယ်။

 

 

Related News