ပြည်တွင်းက စက်မှုဇုန်တွေမှာ တည်ဆောက်ထားတဲ့ စက်ရုံတွေမှာ ရေဆိုးသန့်စင်တဲ့ စက်ရုံတွေ မရှိသလောက်နည်းပါးနေတယ်လို့ မြန်မာနိုင်ငံစားသောက်ကုန် ထုတ်လုပ်တင်ပို့  ရောင်းချသူများအသင်းမှ တာဝန်ရှိသူက ပြောလိုက်ပါတယ်။    ကုန်ထုတ်လုပ်ငန်းများမှ ထွက်ရှိတဲ့ စွန့်ပစ်ရေဆိုးတွေကြောင့် ပတ်ဝန်းကျင်ညစ်ညမ်းမှု လျော့နည်းစေရေး အလုပ်ရုံဆွေးနွေးပွဲအကြို သတင်းစာရှင်းလင်းပွဲမှာ ပြောလိုက်တာပါ။ ရန်ကုန်တိုင်း အတွင်းက စက်မှုဇုန်တွေမှာရှိတဲ့ စက်ရုံတွေမှာ စွန့်ပစ်ရေဆိုးသန့်စင်တဲ့ စက်ရုံတွေ မရှိသလောက် နည်းပါးနေပြီး စက်မှုဇုန်တွေက ထွက်ရှိတဲ့ရေဆိုးတွေက ပတ်ဝန်းကျင်မှာအနံ့ဆိုးစေပြီး ရေမြောင်း တွေထဲမှာလည်း ပိတ်ဆို့ မှုတွေဖြစ်ပေါ်နေပါတယ်။

ဒါ့အပြင်ရေဆိုးစွန့် ထုတ်မှု အများဆုံးဖြစ်တဲ့ အရက်ချက်စက်ရုံတွေမှာ  ရေဆိုးသန့်စင်တဲ့စက်ရုံအဓိက လိုအပ်နေပြီး တချို့အရက်ချက် စက်ရုံတွေဆို ပိတ်သိမ်းခိုင်းလိုက်ရတဲ့အထိ ရှိတယ်လို့ ပြောပါတယ်။ ငါးစက်ရုံတွေ အပါအ၀င် ပဲကြာဇံစက်ရုံတွေမှာလည်း ရေဆိုးစွန့်ပစ်မှု အများဆုံးရှိတယ်လို့ သိရပါတယ်။

 ဒါ့အပြင်စက်ရုံတစ်ခုချင်းအလိုက် ရေဆိုးသန့် စင်တဲ့စက်ရုံတွေတည်ဆောက်ဖို့ လိုအပ်နေုပြီး စက်မှုဇုန်တွေမှာလည်း ဗဟိုရေဆိုးသန့် စင်တဲ့စက်ရုံတွေကို နိုင်ငံတော်အကူအညီနဲ့ တည်ဆောက်နိုင်ဖို့ လိုအပ်နေတယ်လို့လည်း ပြောပါတယ်။ စက်မှုဇုန်တွေက ထွက်ရှိတဲ့ရေဆိုးစွန့်ပစ်တာတွေ လျော့နည်းအောင်လို့ ကုန်ထုတ်လုပ်ငန်းများမှ ထွက်ရှိတဲ့စွန့်ပစ် ရေဆိုးတွေကြောင့် ပတ်ဝန်းကျင် ညစ်ညမ်းမှုလျော့နည်းစေရေး အလုပ်ရုံဆွေးနွေးပွဲကို လာမယ့်အောက်တိုဘာလ(၁၂)ရက်နဲ့ (၁၃)ရက် တို့မှာ ပြုလုပ်သွားမှာဖြစ်ပြီး သက်ဆိုင်ရာဝန်ကြီးဌာန၊ စက်မှုဇုန်တွေက စက်ရုံ လုပ်ငန်းပိုင်ရှင်တွေ အပါအ၀င် တခြားအဖွဲ့အစည်းက တာဝန်ရှိသူတွေကပါ ဆွေးနွေးကြမှာ ဖြစ်တယ်လို့ သိရပါတယ်။

 

 

Related News