သဘာဝဘေးအန္တရာယ်တွေဟာ ကြိုတင်မသိရှိနိုင်တာကြောင့် ကျရောက်လာပါက ထိခိုက် ဆုံးရှုံးမှုတွေ လျော့နည်းစေဖို့  ကြိုတင်ပြင်ဆင်တာတွေ ဆောင်ရွက်ဖို့လိုတယ်လို့ ဒုတိယသမ္မတ ဦးဟင်နရီဗန်ထီးယူက ပြောပါတယ်။     အောက်တိုဘာလ (၉)ရက်က နေပြည်တော်မှာရှိတဲ့ သင်္ဂဟဟိုတယ်မှာ ပြုလုပ်ခဲ့တဲ့ မြန်မာနိုင်ငံ ဘေးအန္တရာယ်ကြောင့် ထိခိုက်ဆုံးရှုံးနိုင်ခြေလျှော့ချရေး လုပ်ငန်းစီမံချက်(MAPDRR)   (မက်ဒ် ဒီအာအာ)ကို မိတ်ဆက်တဲ့ အခမ်းအနားမှာ ဒုတိယသမ္မတက ပြောကြားခဲ့တာပါ။     မြန်မာနိုင်ငံအနေနဲ့ သဘာဝဘေးအန္တရာယ်တွေ ကျရောက်မှုကြောင့် နှစ်စဉ်နိုင်ငံဂျီဒီပီရဲ့  ၃ ရာခိုင်းနှုန်းအထိ ဆုံးရှုံးနေတာဖြစ်ပြီး သဘာဝဘေးအန္တရာယ်တွေ ကျရောက်လာပါက ထိခိုက်ဆုံးရှုံးမှုတွေ လျော့နည်းဖို့အတွက် ယခုမိတ်ဆက်ခဲ့တဲ့ မြန်မာနိုင်ငံဘေးအန္တရာယ်ကြောင့် ထိခိုက်ဆုံးရှုံးနိုင်ခြေလျှော့ချရေး လုပ်ငန်းစီမံချက်(MAPDRR)  (မက်ဒ် ဒီအာအာ)ကို စတင် အကောင်အထည်ဖော်ခဲ့တာလို့ သိရပါတယ်။

မြန်မာနိုင်ငံဘေးအန္တရာယ်ကြောင့် ထိခိုက်ဆုံးရှုံးနိုင်ခြေလျှော့ချရေး လုပ်ငန်းစီမံချက် (MAPDRR)  (မက် ဒ် ဒီအာအာ)၂၀၁၇ထဲမှာ အင်အားသေးငယ်သော်လည်း ထပ်တလဲ ဖြစ်ပွားတတ်တဲ့ ရေလွမ်းမိုးမှုတွေ၊ မိုးကြိုးဘေးတွေ လေးပြင်းတိုက်ခတ်ခြင်းနဲ့ ကမ်းပါးပြိုခြင်း ကဲ့သိုသော သဘာဝဘေးအန္တရာယ်တွေကိုလျှော့ချဖို့ စီမံချက်တွေဖော်ထုတ်ထားကာ လူပယောဂ ကြောင့်ဖြစ်တဲ့မတော်တဆအန္တရာယ်တွေအတွက်ပါလျှော့ချရေးထည့်သွင်းထားတယ်လို့ သိရပါတယ်။     မြန်မာနိုင်ငံဘေးအန္တရာယ်ကြောင့် ထိခိုက်ဆုံးရှုံးနိုင်ခြေလျှော့ချရေး လုပ်ငန်းစီမံချက် (MAPDRR)  (မက်ဒ် ဒီအာအာ)ကို ပြီးခဲ့တဲ့ (၂၀၁၆)အောက်တိုဘာလ၂၆ရက်က မူကြမ်းကို စတင်ရေးဆွဲခဲ့ခြင်းဖြစ်ကာ ယခုမှအပြီးသတ်ထုတ်ပြန်ခဲ့ခြင်းဖြစ်ကာ သက်ဆိုင်ရာ ၀န်ကြီးဌာနတွေ အားလုံးကိုပေးအပ်ခဲ့တယ်လို့ သိရပါတယ်။

 

 

Related News