ပထမဦးဆုံးအကြိမ် အာရှဗုဒ္ဓဘာသာအဖွဲ့ချုပ် ဖွဲ့စည်းခြင်း အခမ်းအနား ပြုလုပ်ကျင်းပသွား မယ်လို့ အောက်တိုဘာလ ၉ ရက်က မရမ်းကုန်းမြို့နယ်ရှိ ဇမ္ဗူသီရိဗိမာန်တော်မှာ ပြုလုပ်ခဲ့တဲ့ မြန်မာနိုင်ငံလုံးဆိုင်ရာထေရ၀ါဒဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသ သာသနာ နုဂ္ဂဟအသင်း လုပ်ငန်းညှိနှိုင်းစည်းဝေးပွဲကသိရပါတယ်။

အာရှဗုဒ္ဓဘာသာအဖွဲ့ချုပ်ဖွဲ့စည်းခြင်းကို မြန်မာနိုင်ငံကဦးစီးပြီး မြန်မာနိုင်ငံလုံးဆိုင်ရာ ထေရ၀ါဒ ဗုဒ္ဓဘာသာအဖွဲ့ချုပ်နှင့်နယ်စပ်တောင်တန်းဒေသ သာသနာနုဂ္ဂဟအသင်းက ဦးဆောင်ပြီး ပြုလုပ်တာဖြစ်တယ်လို့ သိရပါတယ်။ အာရှတိုက်အတွင်းရှိ ဗုဒ္ဓဘာသာဝင်နိုင်ငံများ အားလုံးကို စည်းရုံးပြီး အာရှဗုဒ္ဓဘာသာအဖွဲ့ချုပ်ကို ဖွဲ့စည်းသွားမှာ ဖြစ်တယ်လို့သိရပါတယ်။ 

အာရှဗုဒ္ဓဘာသာအဖွဲ့ချုပ်မှာ မြန်မာ၊ ကမ္ဘောဒီယား၊ လာအို၊ ဗီယက်နမ်၊ စင်္ကာပူ၊ သီရိလင်္ကာ၊ အင်ဒိုနီးရှား၊ တရုတ်၊ ထိုင်းနဲ့တောင်ကိုရီးယားစတဲ့နိုင်ငံတွေ ပါဝင်မှာ ဖြစ်တယ်လို့ သိရပါတယ်။    အာရှဗုဒ္ဓဘာသာ အဖွဲ့ချုပ်ကိုဖွဲ့စည်းအောင်မြင်ပြီး လုပ်ငန်းများ အဆင်ပေချောမွေ့စွာ ဆောင်ရွက်နိုင်ရင် ကမ္ဘာ့ဗုဒ္ဓဘာသာအဖွဲ့ချုပ်ဖွဲ့စည်းနိုင်တဲ့အထိ ဆောင်ရွက်သွားမှာ ဖြစ်တယ်လို့လည်း သိရပါတယ်။ ပထမဆုံး အာရှဗုဒ္ဓဘာသာ အဖွဲ့ချုပ်ဖွဲ့စည်းခြင်း အခမ်းအနားကိုတော့ အောက်တိုဘာ ၁၂ ရက် နဲ့ ၁၃ ရက်မှာ ရန်ကုန်တိုင်း ဒေသကြီး၊ ဗဟန်းမြို့နယ်ရှိ ကရ၀ိတ်နန်းတော်မှာ ကျင်းပသွားမှာ ဖြစ်တယ်လို့သိရပါတယ်။ 

 

 

Related News