ကုန်ထုတ်မှုလုပ်ငန်းတွေကနေထွက်ရှိတဲ့စွန့် ပစ်ရေဆိုးတွေကြောင့်ပတ်ဝန်းကျင်ညစ်ညမ်းမှု လျော့နည်းစေရန် အလုပ်ရုံဆွေးနွေးပွဲကိုလာမယ့်အောက်တိုဘာလ(၁၂)ရက်နဲ့ (၁၃)ရက်တို့ မှာ UMFCCI မှာပြုလုပ်သွားမှာဖြစ်တယ်လို့ အောက်တိုဘာ(၉)ရက်ကပြုလုပ်တဲ့သတင်းစာရှင်းလင်းပွဲမှ သိရတာဖြစ်ပါတယ်။အောက်တိုဘာလ(၁၂)ရက်နဲ့ (၁၃)ရက်တို့ မှာ UMFCCI  ခန်းမမှာပြုလုပ်မယ့် ဆွေးနွေးပွဲမှာ ပတ်ဝန်းကျင်ထိန်းသိမ်းရေးဆိုင်ရာနိုင်ငံတော်မှပြဌာန်းထားသောဥပဒေကိုကျယ်ကျယ်ပြန့်ပြန့်သိစေရန်၊ ကုန်ထုတ်လုပ်ငန်းတွေမှထွက်ရှိတဲ့ ရေဆိုးတွေကြောင့် သဘာဝပတ်ဝန်းကျင်ကို ညစ်ညမ်းမှု ဖြစ်ပေါ်နေမှုတွေကို ဖော်ထုတ်ရန်နဲ ရေဆိုးသန့်စင်တဲ့နည်းပညာတွေရရှိစေရန်စတဲ့ ခေါင်းစဉ် (၅)ခုနဲ့ဆွေးနွေးသွားမှာဖြစ်တယ်လို့ သိရပါတယ်။ဆွေးနွေးပွဲကို မြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်က ဦးစီးပြုလုပ်မှာဖြစ်ပြီး ကုန်ထုတ်လုပ်မှုလုပ်ငန်းတွေကနေ ထွက်ရှိတဲ့စွန့် ပစ်ရေဆိုးတွေကြောင့်ပတ်ဝန်းကျင် ထိခိုက်မှုညစ်ညမ်းမှုလျော့နည်းစေရေးတို့အတွက်သက်ဆိုင်ရာဝန်ကြီးဌာန၊ ရန်ကုန်တိုင်းဒေသကြီး အစိုးရအဖွဲ့၊ရန်ကုန်နည်းပညာတက္ကသိုလ်နဲ့ မြန်မာနိုင်ငံစားသောက်ကုန်ထုတ်လုပ်တင်ပို့ ရောင်းချသူများ အသင်းစတဲ့အဖွဲ့အစည်းတွေကတာဝန်ရှိသူများမှ ဆွေးနွေးကြမှာဖြစ်ပြီး ဆွေးနွေးပွဲက ရတဲ့ရလဒ်တွေ ကိုလည်း ထုတ်ပြန်သွားမှာဖြစ်တယ်လို့သိရပါတယ်။

 

 

Related News