ပင်လယ်ပြင်အတွင်းပျက်ကျခဲ့တဲ့ တပ်မတော်သယ်ယူပို့ဆောင်ရေး Y-8 လေယာဉ်အား ရှာဖွေရေး လုပ်ငန်းများ ဆောင်ရွက်လျက်ရှိရာ ဇွန် ၁၅ ရက်မှာ တွေ့ရှိခဲ့တဲ့ လေယာဉ်အမှတ်၊ (5820) အမှတ်အသားပါ လေယာဉ်အမြီးပိုင်းနေရာ ပတ်ဝန်းကျင်မှာ အပိုင်းအစအချို့အားတွေ့ရှိပြီး ရေယာဉ်ပေါ်သို့ ဆယ်ယူနိုင်ခဲ့တယ်လို့ သိရပါတယ်။ အလားတူ လေယာဉ်အမြီးပိုင်းအား လေအိတ်များ အသုံးပြု၍ ရေမျက်နှာပြင်ပေါ်သို့ “မ”တင်ဆယ်ယူခဲ့ရာ ဇွန်လ၁၈ရက် ညနေ ၃ နာရီခွဲတွင် ရေယာဉ်ပေါ်သို့ တင်ဆောင်နိုင်ခဲ့ပါတယ်။

အဆိုပါ လေယာဉ်အမြီးပိုင်းမှာ FDR - Flight Data Recorder (Black Box)   နှင့် CVR - Cockpit Voice Recorder တို့ပါရှိပြီး လေယာဉ်ပျက်ကျရတဲ့ အကြောင်းအရင်းအား ဖော်ထုတ်နိုင်ရေး ဆက်လက်ဆောင်ရွက် လျက်ရှိကြောင်း ကျန်အစိတ်အပိုင်းတွေကို ရှာဖွေရရှိရေးအတွက် တပ်မတော်(ရေ)မှ စစ်ရေယာဉ်များ၊ ဒေသခံငါးဖမ်းစက်လှေများ၊ ကျွမ်းကျင်ရေငုပ်စစ်သည်များ ပူးပေါင်း၍ ဆက်လက် ဆောင်ရွက်လျက် ရှိကြောင်း၊ ထို့အပြင် လေယာဉ်အမြီးပိုင်းနှင့်အတူ အမျိုးသားရုပ်အလောင်း (၁) လောင်းအား ထပ်မံရှာဖွေတွေ့ရှိသဖြင့် ယခုအချိန်ထိ စုစုပေါင်းရုပ်အလောင်း (၉၂)လောင်း ရှာဖွေတွေ့ရှိပြီး ဖြစ်ကြောင်း တပ်မတော်ကာကွယ်ရေးဦးစီးချုပ်ရုံးရဲ့ သတင်းထုတ်ပြန်ချက်အရ  သိရှိရပါတယ်။

 

 

Related News