အထည်ချုပ်စက်ရုံများမှ အမျိုးသမီးအလုပ်သမားများ၏ ဘေးကင်းလုံခြုံမှုအခြေအနေများကို ဆန်းစစ်ခြင်း သုတေသနစာတမ်း မိတ်ဆက်ပွဲကို ဇွန် (၁၅)ရက် က ရန်ကုန်မြို့ Summit Park View Hotel  မှာ ပြုလုပ်ခဲ့ပါတယ်။ မြန်မာနိုင်ငံမှာ လက်ရှိအထည်ချုပ်စက်ရုံပေါင်း ၄၄၀ ခန့်ရှိပြီး အလုပ်သမား သုးံသိန်းခန့် အလုပ်လုပ်ကိုင်နေကြကာ  အလုပ်သမားတွေရဲ့ ၉၀ ရာခိုင်နှုန်းဟာ အမျိုးသမီးအလုပ်သမားတွေ ဖြစ်ကြပါတယ်။ လာမယ့် ၂၀၂၀ ခုနှစ်မှာတော့  အထည်ချုပ်စက်ရုံပေါင်း ၁၀၀၀ ခန့်် နဲ့ အလုပ်သမား ဆယ်သိန်းခန့်အထိရှိလာမယ်လို့ ခန့်မှန်း ထားတယ်လို့ သုတေသန စာတမ်းအရ သိရပါတယ်။ ဒီလိုတိုးတက်လာဖို့ရှိနေပေမဲ့ လက်ရှိအထည်ချုပ်စက်ရုံတွေက အမျိုးသမီး အလုပ်သမားတွေမှာတော့ လုပ်ငန်းခွင်အတွင်း အခြေအနေတွေက အခက်အခဲတွေရှိနေတယ်လို့ အထည်ချုပ်အမျိုးသမီးအလုပ်သမားတစ်ဦးက ပြောပါတယ်။
 
အမျိုးသမီးစက်ရုံအလုပ်သမားတွေအတွက် ပိုမိုကောင်းမွန်တဲ့ ကျန်းမာရေး ၀န်ဆောင်မှုတွေနဲ့ အတူ ဘေးကင်းလုံခြုံစိတ်ချရတဲ့ လုပ်ငန်းခွင်ရရှိစေရန်နဲ့ အထည်ချုပ်စက်ရုံတွေ အတွင်း ကျား/မ ဆိုင်ရာအခြေပြုထည့်သွင်းစဉ်းစားထားတဲ့ လုပ်ငန်းခွင်များ ဖြစ်ပေါ်လာစေရန်ရည်ရွယ်ပြီး  အထည်ချုပ်စက်ရုံ အမျိုးသမီးအလုပ်သမားများ ဘေးကင်းလုံခြုံမှုအခြေအနေများကို ဆန်းစစ်ခြင်းသုတေသနစာတန်းကို ပြုစုခဲ့ကြတယ်လို့ Actionaid ကတာဝန်ရှိသူက ပြောပါတယ်။ သုတေသန စာတမ်း ပြုလုပ်သူတွေကတော့  စက်ရုံပိုင်ရှင်တွေ လုပ်ငန်းခွင်အတွင်း ဆက်ဆံရေး ကောင်းအောင်ပြုလုပ်ဖို့၊ ကျန်းမားရေးဆိုင်ရာ အခက်အခဲတွေနဲ့ အလုပ်သမားအခွင့်အရေး ဥပဒေတွေကို လိုက်နာဖို့ကို တိုက်တွန်းထားပါတယ်။
 
လုပ်ငန်းခွင်အတွင်း ဆက်ဆံမှုနဲ့ အလုပ်သမားတွေရဲ့အရည်အသွေးတိုးတက်ဖို့အတွက် အလုပ်သမားများကို အလုပ်သမားအဖွဲ့အစည်းတွေ နှင့်NGO တွေက ဖွင့်လှစ်တဲ့ သင်တန်းတွေကို တက်ရောက်ခွင့်ပြုခဲ့ပေမဲ့ တစ်ချို့စက်ရုံတွေက အလုပ်သမားတွေကတော့ တက်ရောက်ခြင်း မရှိကြဘူးလို့အထည်ချုပ်လုပ်ငန်းရှင်တစ်ဦးကပြောပါတယ်။ဒီသုတေသနစာတမ်းကိုတော့ Actionaid မှ ဦးစီးပြီး  ရန်ကုန်တိုင်းဒေသကြီး အတွင်းမှာရှိတဲ့  လှိုင်သာယာ၊ မင်္ဂလာဒုံနှင့် တောင်ဒဂုံမြို့နယ်တွေက အထည်ချုပ်စက်ရုံ(၂၀)မှ အမျိုးသမီး အလုပ်သမား အယောက်(၁၀၀)ကို အခြေပြုပြီး ကောက်ယူခဲ့တာ ဖြစ်တယ်လို့ သိရပါတယ်။
 
 

Related News