ပြည်တွင်းမှာရှိတဲ့ ရပ်ရွာအခြေပြုခရီးသွားလုပ်ငန်း(CBT)တွေဖော်ဆောင်ရာမှာ အောင်မြင် နိုင်ရေးအတွက် လုပ်ဆောင်နိုင်မဲ့ အချက်တွေနဲ့ပတ်သက်ပြီး ဆွေးနွေးပွဲတစ်ရပ်ကို နေပြည်တော်မှာ ကျင်းပခဲ့တယ်လို့ သိရပါတယ်။ ယခုဆွေးနွေးပွဲကို နိုင်ငံလုံးဆိုင်ရာ ပြည်သူလူထုခရီးသွားလုပ်ငန်း ဆွေးနွေးပွဲအဖြစ် နေပြည်တော်မှာရှိတဲ့ Horizon LakeView  ဟိုတယ်မှာ ဇွန်လ၁၃ရက်နဲ့ ၁၄ရက်တို့မှာ ကျင်းပခဲ့တာ ဖြစ်ပြီး လက်ရှိ ရပ်ရွာအခြေပြု ခရီးသွားလုပ်ငန်း(CBT) လုပ်ဆောင်နေတဲ့ ဒေသကတာဝန်ရှိသူတွေ၊ ပုဂ္ဂလိက ခရီးသွားလုပ်ငန်းကုမ္ပဏီတွေက တာဝန်ရှိသူတွေ နိုင်ငံတကာ ပညာရှင်တွေနဲ့ လွှတ်တော် ကိုယ်စားလှယ်တွေ တက်ရောက်ခဲ့ကြပါတယ်။ ဆွေးနွေးပွဲမှာ ရပ်ရွာအခြေပြုခရီးသွားလုပ်ငန်း(CBT)တွေကို ဖော်ဆောင်နေတဲ့ ဒေသတာဝန်ရှိ သူတွေက မိမိတို့ကြုံတွေခဲ့ရတဲ့ အခက်အခဲတွေနဲ့ပတ်သက်ပြီး နောင်ထပ်အသစ်လုပ်ကိုင်မဲ့ တာဝန်ရှိသူတွေကို ရှင်းပြတာတွေ ခရီးသွားလုပ်ငန်းကုမ္ပဏီတွေနဲ့ ချိတ်ဆက်ကာ CBTကို ပိုမိုတိုးတက်အောင် လုပ်ဆောင်နိုင်ဖို့ ဆွေးနွေးခဲ့ကြတယ်လို့ သိရပါတယ်။
 
ဒါ့အပြင် ရပ်ရွာအခြေပြုခရီးသွားလုပ်ငန်း(CBT)လုပ်ငန်းအသစ်ဖော်ဆောင်မဲ့ မြိတ်ကျွန်းစု ဒေသက လန်ပိကျွန်း၊ ရှမ်းပြည်နယ် ဓနုဒေသ၊ ဧရာဝတီတိုင်းဒေသကြီးက ငရုတ်ကောင်း၊ ရခိုင်ပြည်နယ် ဂွနှင့် ချင်းပြည်နယ် ကန်ပက်လက်ဒေသတို့အတွက်လည်း ဆွေးနွေးခဲ့ကြတယ်လို့ သိရပါတယ်။ ရပ်ရွာအခြေပြုခရီးသွားလုပ်ငန်း(CBT)တွေကို မြန်မာနိုင်ငံမှာ လွန်ခဲ့တဲ့နှစ်အနည်းငယ် အတွင်းက စတင်ဖော်ဆောင်ခဲ့တာဖြစ်ပြီး လက်ရှိအချိန်ထိနေရာ၂၂ခုမှာ ဖော်ဆောင်ထားပြီ ဖြစ်တယ်လို့ သိရပါတယ်။ နိုင်ငံလုံးဆိုင်ရာပြည်သူလူထုခရီးသွားလုပ်ငန်းဆွေးနွေးပွဲကိုလဲ ၂၀၁၅ခုနှစ် က ပထမဆုံးအကြိမ် ကျင်းပခဲ့ဖူးပြီး ယခုအကြိမ်ဟာဒုတိယအကြိမ်မြောက်ကျင်းပတာလို့ သိရပါတယ်။
 
သယံဇာတမျိုးစိတ်စာရင်းမှာ မျိုးသုဉ်းရန် အဆင့်(၁)သတ်မှတ်ထားတဲ့ မျောက်လေပွေ ၁ကောင်ကို ထမံသီစံပြကျေးရွာတွင် လယ်သမားတစ်ဦးကတွေ့ရှိဖမ်းမိခဲ့ပြီး ထမံသီဘေးမဲ့တော ရှေ့တန်းစခန်းကို လာရောက်အပ်နှံခဲ့တယ်လို့ မြန်မာနိုင်ငံသားငှက်ထိန်းသိမ်းရေးအဖွဲ့က သတင်းထုတ်ပြန်ထားပါတယ်။ ဇွန်လ (၁၄)ရက်နေ့ မနက်ပိုင်းက ထမံသီစံပြကျေးရွာအောက်ပိုင်းရှိ မယင်းလယ်တောသို့ဆင်းရာမှ အဆိုပါ မျောက်လေပွေ ၁ကောင်ကိုတွေ့ရှိဖမ်းမိခဲ့တာဖြစ်ပြီး အကောင်ရဲ့ အရှည်မှာ (၁၇)လက်မ ရှိတယ်လို့ သိရပါတယ်။ အဆိုပါ မျောက်လေပွေကို ထမံသီဘေးမဲ့တောရှေ့တန်းစခန်းက ၀န်ထမ်းတွေနဲ့ မြန်မာနိုင်ငံသားငှက်ထိန်းသိမ်းရေးအဖွဲ့တို့က အခြေအနေကိုလေံလာစောင့်ကြည့်ပြီး ထိန်းသိမ်းစောင့်ရှောက် ထားတယ်လို့သိရပါတယ်။

Related News