ဆေးလိပ်၊ဆေးရွက်ကြီးနှင့်ဆေးရွက်ပါသည့် ကွမ်းယာသုံးစွဲမှု ထိန်းချုပ်လျှော့ချနိုင်ရန် ထိရောက်တဲ့ မူဝါဒချမှတ်အကောင်အထည်ဖော်ရေး အစိုးရအားတိုက်တွန်းကြောင်း အဆိုကို ပြည်သူ့လွှတ်တော်မှာ ဆွေးနွေးသွားမယ်လို့ သိရပါတယ်။အဆိုကို လှိုင်းဘွဲ့မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးခင်ချိုက ဇူလိုင်လ(၁၈)ရက် ပြုလုပ်ခဲ့တဲ့ ဒုတိယအကြိမ် ပြည်သူ့လွှတ်တော် (၁၃) ကြိမ်မြောက် ပုံမှန်အစည်းအဝေးမှာ တင်သွင်းခဲ့တာပါ။ မြန်မာနိုင်ငံမှာ (၂၀၀၀)ခုနှစ်နောက်ပိုင်း ပြည်တွင်းမှာစီးကရက်ထုတ်လုပ်မှုတွေများပြားလာပြီး သုံးစွဲသူတွေလည်း ပိုများလာကာ  ကွမ်းယာအနေနဲ့လည်း အလားတူကာလလောက်ကစတင်ပြီး တစ်နိုင်ငံလုံးအနှံ့ ကွမ်းယာဆိုင်များပေါများလာကာ  လူငယ်လူကြီးကျား၊မ မရွေးစားသုံးလာကြပြီး ကင်ဆာရောဂါဖြစ်ပွားကာ သေဆုံးမှုဟာ နှစ်တိုင်းတွေ့မြင်နေရတာကြောင့် အဆိုကိုတင်သွင်းရခြင်းဖြစ်တယ်လို့ လှိုင်းဘွဲ့မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးခင်ချိုက ပြောပါတယ်။

လှိုင်းဘွဲ့မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးခင်ချိုတင်သွင်းခဲ့တဲ့ အထက်ပါအဆိုကို ကသာမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးမြင့်ကြည်က ပြည်သူ့လွှတ်တော်မှာ ဆွေးနွေးဖို့ အတွက်ထောက်ခံတင်ပြခဲ့ပါတယ်။ ယခုအဆိုဟာ အလွန်သင့်မြတ်ပြီး ကျန်းမာရေးလည်း တိုးတက်ကာ နိုင်ငံ့ GDP လည်း တိုးတက်လာမှာဖြစ်တဲ့အတွက် ထောက်ခံခဲ့တာလို့ ပြောပါတယ်။ အဲဒီနောက် အဆိုကို ပြည်သူ့လွှတ်တော်မှာ လက်ခံဆွေးနွေးရန် သင့်မသင့် အဆုံးအဖြတ်ရယူရာ ကန့်ကွက်သူမရှိတာကြောင့် ဆွေးနွေးဖို့ ဆုံးဖြတ်လိုက်တာပါ။ဆေးလိပ်၊ ဆေးရွက်ကြီးနှင့် ဆေးရွက်ပါတဲ့ ကွမ်းယာသုံးစွဲမှုထိန်းချုပ်လျှော့ချနိုင်ရန် ထိရောက်သည့် မူဝါဒချမှတ်အကောင်အထည်ဖော်ရေး အစိုးရအား တိုက်တွန်းကြောင်းအဆိုကို ဆွေးနွေးလိုတဲ့ လွှတ်တော်ကိုယ်စားလှယ်တွေအနေနဲ့ ဇူလိုင်လ(၂၂)ရက်နောက်ဆုံးထားအမည်စာရင်းပေးသွင်းကြဖို့ တောင်းခံထားတယ်လို့ သိရပါတယ်။

 

 

Related News