မူးယစ်ဆေးစွဲသူများပြန်လည်ထူထောင်ရေးအသင်း(မြန်မာ)ဗဟို က မူးယစ်အသိပညာပေးဟောပြောပွဲ နှင့် ပြည်သူ့စကားဝိုင်းကို ဇူလိုင်လ(၁၈)ရက်က ရန်ကုန်မြို့ သူနာပြုတက္ကသိုလ်ခန်းမ မှာပြုလုပ်ခဲ့တာဖြစ်ပါတယ်။ ရန်ကုန်တိုင်းဒေသကြီးအစိုးရအဖွဲ့ရဲ့ လုပ်ငန်းလမ်းညွှန်မှုကိုခံယူပြီး မူးယစ်ဆေးစွဲသူများပြန်လည်ထူထောင်ရေး အသင်း(မြန်မာ)ဗဟိုက ခရိုင်အလိုက်မူးယစ်အသိပညာပေးဟောပြောပွဲ နဲ့ ပြည်သူ့စကားဝိုင်းတွေကို လိုက်လံပြုလုပ်ပေးနေတာဖြစ်ပြီး မူးယစ်ဆေးဝါးအန္တရာယ်ကို စကားဝိုင်းပုံစံမျိုးနဲ့ ထိရောက်စွာပြောပြချင်တဲ့ ရည်ရွယ်နဲ့ပြုလုပ်တာဖြစ်ပါတယ်။ဟောပြောပွဲမှာတော့ မူးယစ်ဆေးဝါးထုတ်လုပ်မှု အကြောင်းအရာများ၊ မူးယစ်ဆေးဝါးရဲ့ဆိုးကျိုးများ နဲ့ မူးယစ်အန္တရာယ်အသိပညာပေးမှုများကို ထည့်သွင်း ဟောပြောခဲ့တာဖြစ်ပါတယ်။

ဒီလိုပညာပေးဟောပြောပွဲတွေကြောင့် မူးယစ်ဆေးစွဲသူများပြန်လည်ထူထောင်ရေးအသင်း(မြန်မာ)ဗဟို ကို ဆေးဖြတ်ဖို့ အကုအညီတောင်း ဆက်သွယ်လာသူတွေလည်းရှိတယ်လို့ပြောပါတယ်။ ဒါတွေအပြင် မူးယစ်ဆေးစွဲသူများပြန်လည်ထူထောင်ရေးအသင်း(မြန်မာ)ဗဟို က လက်ရှိမှာ စခန်းနဲ့ရပ်ရွာအခြေပြု ပြန်လည်ထူထောင်ရေးလုပ်ငန်း၊စခန်းအခြေပြုပြန်လည်ထူထောင်ရေးလုပ်ငန်း၊ရပ်ရွာအခြေပြုပြန်လည် ထူထောင်ရေးလုပ်ငန်းသင်တန်းတွေဖွင့်လှစ်ပြီး  မူးယစ်ဆေးစွဲနေသူတွေကို စိတ်ပိုင်းဆိုင်ရာ၊ ရုပ်ပိုင်းဆိုင်ရာ နဲ့ အသက်မွေးဝမ်းကြောင်းပညာရပ်များ သင်ကြားပေးခြင်းတွေကို  ဆောင်ရွက်ပေးနေတာဖြစ်ပါတယ်။အခုပြုလုပ်ခဲ့တဲ့ မူးယစ်အသိပညာပေးဟောပြောပွဲ နှင့် ပြည်သူ့စကားဝိုင်းကို လွှတ်တော်ကိုယ်စားလှယ်များ၊ ဥပဒေအရာရှိများ၊ ပညာရေးဌာနမှတာဝန်ရှိသူများ နဲ့ မူးယစ်တပ်ဖွဲ့စုမှတာဝန်ရှိသူတွေ တက်ရောက်ခဲ့ကြပါတယ်။

 

Related News