၂၀၁၈ ခုနှစ် သုတေသနရလဒ်တွေအရ ကမ္ဘာပေါ်မှာ အမျိုးသားတွေထက် အမျိူးသမီးတွေမှာ အရိုးပွရောဂါ အဖြစ်များ နေတယ်လို့  အောက်တိုဘာလ (၂၀)ရက်က မန္တလေးမြို့ အရိုးရောဂါအထူးကုဆေးရုံကြီးမှာ ပြုလုပ်တဲ့  အရိုးပွရောဂါ ကာကွယ်ရေးနေ့ အထိမ်းအမှတ်ပွဲမှ သိရပါတယ်။

ကမ္ဘာပေါ်က အသက်အရွယ်ကြီးမြင့်တဲ့ အမျိုးသမီး (၃)ယောက်မှာ (၁)ယောက်နဲ့ အမျိုးသား (၅)ယောက်မှာ (၁)ယောက်ဟာ အရိုးပွရောဂါကြောင့် အရိုးကျိုးတဲ့ ရောဂါဝေဒနာတွေ ခံစားနေရတယ်လို့ ဆိုပါတယ်။ အရိုးပွရောဂါဟာ အမျိုးသမီးတွေအနေနဲ့ သွေးဆုံးပြီးနောက်ပိုင်းမှာ အများဆုံးဖြစ်ပေါ်တတ်ပြီး ဆေးဝါးရေရှည်သုံးစွဲနေရသူတွေမှာလည်း အများဆုံးဖြစ်ပွားတယ်လို့သိရပါတယ်။ ဒါကြောင့် အရိုးပွရောဂါနဲ့ပတ်သက်ပြီး ကြိုတင်ကာကွယ်နိုင်စေဖို့အတွက် ကိုယ်လက်လှုပ်ရှားမှုတွေအများဆုံးပြုလုပ်ကာ အရိုးသန်မာစေဖို့် ဆေးဝါးတွေနဲ့ ကယ်ဆီယမ်ဓာတ်အများဆုံး ပါဝင်တဲ့အစားအစာတွေကို စားသုံးပေးခြင်းဖြင့် အရိုးပွရောဂါကို ကာကွယ်နိုင်မှာဖြစ်တယ်လို့ ပြောပါတယ်။

မန္တလေး အရိုးရောဂါအထူးကုဆေးရုံကြီးမှာ ပြုလုပ်တဲ့  အရိုးပွရောဂါကာကွယ်ရေးနေ့ အထိမ်းအမှတ်ပွဲကို   ရောဂါနဲ့ ပတ်သက်တဲ့  ရှာဖွေရေးနည်းစနစ်တွေ၊နည်းပညာတွေကို အများပြည်သူသိရှိစေဖို့ နဲ့ အရိုးပွရောဂါကြောင့် အသက်အရွယ် ကြီးတဲ့ အခါ ဖြစ်ပေါ်တတ်တဲ့ အရိုးကျိုးဝေဒနာတွေကို ကာကွယ်နိုင်စေဖို့အတွက် ပြုလုပ်တာဖြစ်တယ်လို့ သိရပါတယ်။

အခုပြုလုပ်တဲ့ အရိုးပွရောဂါကာကွယ်ရေးနေ့အခမ်းအနားမှာ ပြည်သူလူထုကို အရိုးပွရောဂါနဲ့ပတ်သက်တဲ့ ကျန်းမာရေး အသိပညာ ပေးတာတွေ အပြင် အရိုးပွရောဂါဖြစ်နိုင်ခြင်းရှိမရှိစစ်ဆေးပေးခြင်း၊ ကယ်ဆီယမ်ဓာတ်ပါတဲ့ အစားအစာနဲ့ ဆေးဝါးတွေကို အခမဲ့ပေးခဲ့တယ်လို့သိရပါတယ်။

 

 

Related News