အမြင်အာရုံချို့တဲ့သူတွေအနေနဲ့ သာမန်လူတွေလို ကွန်ပျူတာပညာရပ်က်ိုသင်ကြားနိုင်ပါတယ်။ အမြင်အာရုံချို့တဲ့ သူတွေအတွက် ကွန်ပျူတာသင်ကြားဖို့ နည်းပညာတစ်ခုကို ကွန်ပျုတာထဲမှာထည့်သွင်းပြီး သင်ကြားပေးတာဖြစ်ပါတယ်။ အမြင်အာရုံချို့တဲ့သူတွေအတွက် ကွန်ပျုတာပညာသင်ကြားရာမှာ ကွန်ပျုတာထဲကို JAWS (ဂျောစ်)လို့ခေါ်တဲ့ ဆော့ဝဲတစ်ခုကိုထည့်သွင်းရပါတယ်။

ဒါမှသာ အမြင်အာရုံချို့တဲ့သူတွေအတွက် ကွန်ပျူတာပညာရပ်ကို သင်ကြားတဲ့အခါမှာအလွယ်တကူသင်ကြားနိုင်မှာဖြစ်တယ်လို့သိရပါတယ်။ ကွန်ပျူတာပညာကိုသင်ကြားပေးရာမှာတော့ အခြေခံမှစတင်သင်ကြာပေးပြီး နောက်ပိုင်းမှာတော့ ကျောင်းသားကျောင်းသူဝါသနာပါတဲ့ အပိုင်းကိုထပ်မံသင်ကြားပေးတယ်လို့သိရပါတယ်။

ရန်ကုန်မျက်မမြင်ကျောင်းမှာ ကွန်ပျူတာဘာသာရပ်ကို သင်ကြားပေးတဲ့အခါမှာ အလယ်တန်းကျောင်းသားတွေအတွက် တစ်ပတ်ကို နှစ်ချိန်သတ်မှတ်ထားပြီး အထက်တန်းနဲ့ တက္ကသိုလ်ကျောင်းသားကျောင်းသူတွေကတော့ မိမိတို့အားလပ်ချိန်မှာ သင်ကြားရတယ်လို့သိရပါတယ်။

 

 

Related News