မြန်မာနိုင်ငံမသန်စွမ်းသူများအားကစားအဖွဲ့ချုပ်မှဦးစီးပြုလုပ်တဲ့ ဥာဏ်ရည်မသန်စွမ်းသူများ အတွက် နွေရာသီအားကစားသင်တန်းကို မတ်လ(၁၂)ရက်မှ ဧပြီလ(၁၂)ရက်ထိတစ်လကြာသင်ကြား ပေးသွားမှာ ဖြစ်ပါတယ်။ မြန်မာနိုင်ငံမသန်စွမ်းသူများအားကစားအဖွဲ့ချုပ်မှ ဥာဏ်ရည်မသန်စွမ်းသူများအတွက် နှစ်စဉ်အားကစားသင်တန်းပေး အစီစဉ်များကို ပြုလုပ်ပေးနေတာဖြစ်ပြီး၊ ယခုနှစ် နွေရာသီအားကစား သင်တန်းကိုတော့ မတ်လ(၁၂)ရက်က စတင်ဖွင့်လှစ်သင်ကြားပေးခဲ့တာ ဖြစ်ပါတယ်။ ဒီနွေရာသီ ဥာဏ်ရည်မသန်စွမ်း အားကစားသင်တန်းကိုတော့ တနင်္လာနေ့မှ စနေနေ့အထိ တစ်နေ့ကိုအချိန် (၂)နာရီပေး သင်ကြားလေ့ကျင့်ပေးသွားမှာ ဖြစ်တယ်လို့ သိရပါတယ်။

နွေရာသီဥာဏ်ရည်မသန်စွမ်းအားကစားသင်တန်းမှာတော့ ပြေးခုန်ပစ်နဲ့ ဘောလုံးကိုအဓိက သင်ကြားပေးနေတာဖြစ်ပြီး၊ အခုလိုအားကစားသင်တန်းပေးလေ့ကျင့်ပေးခြင်းဖြင့် ခန်္ဓာကိုယ်ပြန်လည် သန်စွမ်းမှုရှိလာစေခြင်းနဲ့ ဥာဏ်ရည်ဖွံ့ဖြိုးစေရုံသာမကပဲ ပတ်ဝန်းကျင်မှာ ပေါင်းသင်းဆက်ဆံမှု ကောင်းမွန်တိုးတက်လာစေဖို့ ရည်ရွယ်သင်ကြားပေးနေတာဖြစ်တယ်လို့ သိရပါတယ်။ ဒီနွေရာသီ ဥာဏ်ရည်မသန်စွမ်းအားကစားသင်တန်းကို အောင်ဆန်းကွင်း၊ သုဝဏ်္ဏကွင်းနဲ့ မြောက်ဒဂုံမသန်စွမ်းကွင်းမှာ လေ့ကျင့်သင်ကြားပေးနေတာဖြစ်ပြီး၊ ဥာဏ်ရည်မသန်စွမ်းသူ သင်တန်းသား၊ သင်တန်းသူပေါင်း အယောက်(၅၀)ခန့်လာရောက်သင်ကြားနေတာဖြစ်တယ်လို့ သိရပါတယ်။

 

 

 

Related News