၂၀၃၀ခုနှစ် အရောက်မှာ ခွေးရူးရောဂါကြောင့် လူသေဆုံးမှု လုံးဝမရှိစေရေး ရည်မှန်းချက် အောင်မြင်နိုင်ရေး ကြိုးစားရုန်းကန် ဆောင်ရွက်ရမယ်လို့ မွေးမြုရေးနှင့်ကုသရေးဦးစီးဌာနက ညွှန်ကြားရေးမှုးချုပ် ဒေါက်တာ ရဲထွန်းဝင်း ကပြောပါတယ်။ကမ္ဘာတစ်ဝန်းလုံးမှာ ခွေးရူးရောဂါကြောင့် လူသေဆုံးမှုပပျောက်ရေး စာတမ်းဖတ်ပွဲမှာ အဖွဲ့ဝင်နိုင်ငံ များအားလုံး အမျိုးသားအဆင့် ခွေးရူးရောဂါ ပပျောက်ရေးအစီအစဉ်တည်ထောင်ဖို့နဲ့ ၂၀၃၀အရောက်မှာ ခွေရူးရောဂါကြောင့် လူသေဆုံးမှုမရှိစေရေးရည်မှန်းချက်အောင်မြင်စေရန်ကတိက၀တ် ကို မြန်မာနိုင်ငံအနေနဲ့ ထားရှိခဲ့တာကြောင့် ကြိုးစားဆောင်ရွက်ဖို့ လိုအပ်တယ်လို့ ပြောပါတယ်။

ခွေးရူးရောဂါဟာ ခွေးရူးအကိုက်ခံရမှုကတစ်ဆင့် လူကိုကူးစက်နိုင်တဲ့ရောဂါဖြစ်ပြီး သေဆုံးမှုမြင့်မား ပေမယ့် ကာကွယ်တားဆီးနိုင်တဲ့ ရောဂါတစ်ခုပါ။မြန်မာနိုင်ငံအနေနဲ့ အထက်ပါရည်မှန်းချက်ကို အောင်မြင်နိုင်ဖို့ အတွက် လက်ရှိအချိန်မှာခွေးရူးရောဂါဖြစ်ပွားမှုနှုန်းမြင့်မားတဲ့ နေပြည်တော်ကောင်စီနယ်မြေက လယ်ဝေး မြို့နယ် ကို အဓိက နေရာအဖြစ်သတ်မှတ်ပြီး ဆောင်ရွက်နေပါတယ်။ ခွေးရူးရောဂါ ပပျောက်ရေးစီမံချက်တွေအရ ခွေးများကို တစ်နှစ်တစ်ကြိမ်နှုန်းနဲ့၃နှစ်ဆက်တိုက်ကာကွယ်ဆေးထိုးနှံပြီးပါက ခွေးရူးရောဂါကင်းစင်တယ်လို့ သတ်မှတ်ထားတာဖြစ်ပါတယ်။

လယ်ဝေးမြို့နယ်ကခွေးတွေကို ၂၀၁၆နဲ့၂၀၁၇ခုနှစ်မှာ ကာကွယ်ဆေး ထိုးနှံပေးထားပြီး ဖြစ်ပါတယ်။ ယခုနှစ်မတ်လမှာ တတိယအကြိမ်ထိုးနှံပေးပြီးရင်တော့  မြန်မာနိုင်ငံမှာ ပထမဆုံးခွေးရူးရောဂါကင်းစင်တဲ့ မြို့နယ်ဖြစ်လာမယ်လို့ သိရပါတယ်။ လယ်ဝေးမြို့နယ်အပြင် ပုဂံညောင်ဦးမြို့နယ် ၊ မှော်ဘီမြို့နယ်နဲ့ ကျောက်ဖြုမြို့နယ်တို့မှာလဲ ခွေးတွေကိုကာကွယ်ဆေးထိုးနှံခြင်း လုပ်ငန်းတွေ ဆောင်ရွက်သွားမှာဖြစ်ပြီး ကျန်မြို့နယ်တွေကိုပါ ရည်မှန်းချက် အောင်မြင်စေးရေအတွက် ဆက်လက်ဆောင်ရွက်သွားမယ်လို့ သိရပါတယ်။

ခွေးရူးရောဂါ ကာကွယ်ရေး စီမံချက်အောင်မြင်စေရေးအတွက် ကာကွယ်ဆေးထိုးခြင်းလုပ်ငန်းတွေ၊ ပြည်သူလူထု အသိပညာပေးလုပ်ငန်းတွေမှာပါဝင်ဖို့ရာအတွက် မွေးမြုရေးဆိုင်ရာဆေးတက်္ကသိုလ်က နောက်ဆုံးနှစ်ကျောင်းသား ကျောင်းသူတွေ၊ ကူညီပေးတဲ့ အဖွဲ့အစည်းတွေက တာဝန်ရှိသူတွေနဲ့ ခွေးရူးရောဂါကာကွယ်ခြင်း စာတွေ့လက်တွေ့ သင်တန်းကို နေပြည်တော်က မွေးမြူရေးဆိုင်ရာဆေးတက္ကသိုလ်မှာ ဖေဖော်ဝါရီလ၂၇ရက် ပြုလုပ်ခဲ့ပါတယ်။ စာရင်းတွေအရ မြန်မာတစ်နိုင်ငံလုံးမှာ ခွေးကောင်ရေ (၄)သန်းကျော်ရှိပြီး အဲဒီထဲက ၇၀ရာခိုင်နှုန်းကျော်ကို ကာကွယ်ဆေးထိုးနှံပြီးပါက ခွေးရူးရောဂါကင်းစင်တယ်လို့ မှတ်ယူနိုင်ကြောင်းသိရပါတယ်။

 

 

 

 

Related News