၂၀၁၈ ခုနှစ် မေလ ၈ ရက်မှာ ကျရောက်မယ့် ကမ္ဘာ့ကြက်ခြေနီကို ဂုဏ်ပြုတဲ့အနေနဲ့ ရန်ကုန်တိုင်းဒေသကြီး၊ ခရိုင်လေးခုမှ ကြက်ခြေနီအဖွဲ့ဝင်တွေ စုပေါင်းပြီး ရန်ကုန်ပြည်သူ့ ဆေးရုံကြီးမှာ သန့်ရှင်းရေး လုပ်အားပေးခဲ့ကြပါတယ်။ ဇင်ဝင့်သူဇော် တင်ဆက်ပေးမှာပါ။ရန်ကုန်တိုင်းဒေသကြီး၊ ခရိုင်လေးခုမှ ကြက်ခြေနီအဖွဲ့ဝင် လေးရာကျော်က ရန်ကုန်ပြည်သူ့ဆေးရုံကြီးမှာ ဖေဖော်ဝါရီ ၂၄ ရက် မနက်ပိုင်းက သန့်ရှင်းရေး လုပ်အားပေးခဲ့ပါတယ်။ မနက်ငါးနာရီကတည်းက ရန်ကုန်ပြည်သူ့ဆေးရုံကြီး ၀င်းအတွင်း အဖွဲ့တွေခွဲ့ပြီး အမှိုက်ကောက်တာနဲ့ မြောင်းဖော်တာတွေ ပြုလုပ်ပေးခဲ့ပါတယ်။ရန်ကုန်တိုင်းဒေသကြီးမှာ ကြက်ခြေနီ အသင်းဝင်ပေါင်း (၃၀၀၀) ကျော်ရှိနေပြီးအသင့်တပ်ဖွဲ့ဝင် (၉၀၀)ကျော်လူအင်အားနဲ့ မီးလောင်တာ၊ ယာဉ်မတော်တမှုဖြစ်တာတွေကို ကူညီကယ်ဆယ်မှုတွေ ပြုလုပ်နေပါတယ်။ဒါ့အပြင်ကာကွယ်ဆေးထိုးစီမံချက်နဲ့ ကျောင်းကျန်းမာရေးလုပ်ငန်းတွေ၊ စုပေါင်းသန့်ရှင်းရေးလုပ်ငန်းတွေမှာလည်း ပါဝင်ကူညီနေတယ်လို့ ပြောပါတယ်။၂၀၁၅ ခုနှစ်က ကြက်ခြေနီ နည်းဥပဒေကို အသစ်ရေးဆွဲခဲ့ပြီး လူမှုရေးလုပ်ငန်းတွေမှာ ပြည်သူတွေ ပိုမိုပါဝင်လာအောင် ကြက်ခြေနီအသင်းခွဲတွေရဲ့ အုပ်ချုပ်မှုပိုင်းဆိုင်ရာ ရာထူးတွေမှာလူမှုရေးစိတ်ဝင်စားတဲ့ ရပ်မိရပ်ဖတွေကို ပြောင်းလဲခန့်အပ်ခဲ့တယ်လို့သိရပါတယ်။  မြန်မာနိုင်ငံ ကြက်ခြေနီအသင်းကို (၁၉၂၀) ပြည့်နှစ်ကတည်းကတည်ထောင်ခဲ့တာဖြစ်ပြီး လက်ရှိ ပြည်တွင်းမှာ ကြက်ခြေနီအသင်းခွဲပေါင်း (၃၃၀) ကျော်ရှိနေပြီ ဖြစ်ပါတယ်။ 

 

 

Related News