ရန်ကုန်ဆေးရုံကြီးမှာ ၀မ်းချုပ်ဝေဒနာကြောင့် နောက်ဆက်တွဲဖြစ်တဲ့ ရောဂါတွေကို လာရောက်ကုသသူ လူနာဦးရေ ၂၀ ရာခိုင်နှုန်းကျော်ရှိနေတယ်လို့ ရန်ကုန်ဆေးရုံကြီး၊ အစာအိမ်နှင့်အူလမ်းကြောင်းဌာနမှ သိရပါတယ်။ ၀မ်းချုပ်ဝေဒနာကြောင့် နောက်ဆက်တွဲဖြစ်လာတဲ့ ကိုယ်အလေးချိန်ကျဆင်းတာ၊ ၀မ်းသွားတိုင်း သွေးပါတာ၊ ဗိုက်ဖောင်းလာတာနဲ့ ဗိုက်တွင်အလုံးအကျိတ်တွေ ဖြစ်ပေါ်လာတာကြောင့် ရန်ကုန်ဆေးရုံကြီးကို လာရောက်ကုသတဲ့ လူနာဦးရေ ၂၀ ရာခိုင်နှုန်းကျော် ရှိနေပါတယ်။

ကိုယ်တွင်း ရောဂါရှိသူတွေ၊ ဆေးပုံမှန်စွဲပြီး သောက်နေရတဲ့သူတွေနဲ့ နေထိုင်စားသောက်မှုပုံစံမမှန်တာကနေ  ၀မ်းချုပ်ဝေဒနာကိုခံစားရပြီး အူလမ်းကြောင်းပိတ်ဆို့တာကြောင့် ၀မ်းချုပ်တဲ့ရောဂါကို အချိန်မီ မကုသနိုင်ရင် အသက်သေဆုံးနိုင်ခြေ ငါးရာခိုင်နှုန်းအထိ ရှိနေပါတယ်။အူလမ်းကြောင်း ပိတ်ဆို့တာကြောင့် မဟုတ်ပဲ သာမန်ဝမ်းချုပ်တဲ့ ဝေဒနာကို ခံစားရရင်လည်း ဂရင်ဂျီနာ၊ လိပ်ခေါင်းရောဂါနဲ့ နှလုံးအားနည်းတာတွေဖြစ်နိုင်တာကြောင့် စားသောက်နေထိုင်မှုပုံစံကို ပြောင်းလဲပြီး ၀မ်းပုံမှန်သွားတတ်အောင် လေ့ကျင့်ဖို့အရေးပါတယ်လို့ ပြောပါတယ်။

ဝမ်းချုပ်ဝေဒနာနဲ့ ဆက်စပ်တဲ့ အချက်အလက်တွေကို အစာအိမ်နှင့် အူလမ်းကြောင်းဌာနမှာ လာရောက်ကုသနေတဲ့ လူနာနဲ့လူနာစောင့်တွေကို ဖေဖော်ဝါရီ ၂၂ ရက်က ဟောပြောခဲ့ပြီး ယခုလို အသိပညာပေးဟောပြောပွဲ ပြုလုပ်တာသုံးကြိမ်ရှိသွားပြီ ဖြစ်ပါတယ်။ ၂၀၁၇ ခုနှစ်က ရန်ကုန်ဆေးရုံကြီးမှာ အစာအိမ်နှင့် အူလမ်းကြောင်းဆိုင်ရာ ရောဂါတွေလာရောက်ကုသသူ တစ်သောင်းကျော်ရှိပြီး ပြီးခဲ့နှစ်တွေနဲ့နှိုင်းယှဉ်ရင် လူနာဦးရေ ၃ဆခန့်မြင့်တက်လာတယ်လို့ သိရပါတယ်။

 

 

Related News