အစားအသောက်ဘေးအန္တရာယ် ကင်းရှင်းခြင်းဆိုင်ရာဟောပြောပွဲကို ရန်ကုန်မြို့ ရန်ကုန် တက္ကသိုလ်ဝိဇ္ဇာခန်းမမှာ ဖေဖော်ဝါရီလ (၂၂)ရက် ပြုလုပ်ခဲ့ပါတယ်။ဆွေးနွေးပွဲမှာတော့ ပြည်တွင်းမှာရှိတဲ့ အစားသောက်တွေကို ပြည်သူတွေအနေနဲ့ ဘေးအန္တရာယ် ကင်းရှင်းစွာ စားသောက်နိုင်ရန်နဲ့ ဟင်းသီးဟင်းရွက်တွေကို စိုက်ပျိုးရာမှာပိုးသတ်ဆေးဖျန်းတာတွေ၊ စားသောက်ဆိုင်တွေမှာ ဟင်းသီးဟင်းရွက်ဆေးကြောမှုတွေ၊အစားအသောက်ထည့်မှုတွေနဲ့ ပြည်သူတွေ စားသုံးတဲ့အလေ့ အကျင့်တွေစတဲ့ သတိထားရမယ့် အဓိကအချက်တွေကိုထောက်ပြခဲ့ပြီး ဆွေးနွေးခဲ့ကြတယ်လို့ သိရပါတယ်။

တက္ကသိုလ်တွေမှာ ဟောပြောခဲ့ရတဲ့အဓိကအကြောင်း အရင်းကတော့ အစားအသောက် ဘေးအန္တရာယ်ကင်းရှင်းရေးနဲ့ပတ်သက်ပြီး တက္ကသိုလ်တွေက ကျောင်းသား၊ ကျောင်းသူတွေ ဆရာဆရာမတွေအနေနဲ့ နည်းပညာအပိုင်းတွေကို ပြည်သူတွေထဲမှာ ဖြန့်ဝေပေးဖို့အဓိကရည်ရွယ်ချက်နဲ့ ပြုလုပ်တာဖြစ်တယ်လို့သိရပါတယ်။အစားအသောက်ဘေးအန္တရာယ်ကင်းရှင်းဆိုင်ရာ ဟောပြောပွဲမှာ အမေရိကန်နိုင်ငံမှ ပညာရှင် တစ်ဦးက လာရောက်ဆွေးနွေး ဟောပြောခဲ့တာဖြစ်ပါတယ်။ဒီလိုဟောပြောမှုအပြင် ပြည်သူတွေရဲ့ စားသုံးပုံတွေအဆင့်ဆင့်ကို ကွင်းဆင်းလေ့လာခဲ့ပြီး စာတမ်းပြုစုခဲ့ကြတာဖြစ်တယ်လို့ သိရပါတယ်။ 

 

 

Related News