ဂျပန်ဦးနှောက်ရောင် ကာကွယ်ဆေး ရပ်ရွာအခြေပြုအနေနဲ့ ဒီဇင်ဘာလ(၁၁)ရက်ဒီကနေ့မှာ တစ်နိုင်လုံးအတိုင်းအတာအနေနဲ့ ထိုးနှံပေးနေတာဖြစ်ပါတယ်။ အသက်(၉)လမှ (၅)နှစ်အောက် ကလေးငယ်တွေနဲ့ကျောင်းအတွင်းမှာ ကာကွယ်ဆေးထိုးဖို့ ကျန်ရှိနေသေးတဲ့ ကလေးတွေကို ရန်ကုန်တိုင်းအတွင်းက မြို့နယ်တွေမှာ ထိုးနှံပေးနေမှုကို သတင်းထောက် ဖြိုးလဲ့ရည်ဝင်းနဲ့ ဇင်ဝင့်သူဇော်တို့က တင်ဆက်ပေးသွားမှာပါ။ဒီဇင်ဘာလ(၁၁)ရက်မှာ  ရပ်ရွာအခြေပြုထိုးနှံပေးနေတာဖြစ်ပြီး ဒီဇင်ဘာလ(၂၀)ရက်အထိ ထိုးနှံပေးသွားမှာဖြစ်ပါတယ်။ကာကွယ်ဆေးထိုးနှံပေးမယ့် နေရာတွေကို စုရပ်တွေသတ်မှတ်ပေးထားပြီး ကာကွယ်ဆေးထိုးနှံရမယ့် ကလေးတွေကိုလည်း စစ်တမ်းတွေကောက်ခံထားတယ်လို့ သိရပါတယ်။
 
ဂျပန်ဦးနှောက်ရောင်ကာကွယ်ဆေးထိုးပေးရာမှလည်း ပြည်သူ့ကျန်းမာရေးဦးစီးဌာနက သတ်မှတ် ပေးထားတဲ့ စုရပ်တွေမှာ ပြည့်သူ့ကျန်းမာရေးဦးစီးဌာနက တာဝန်ရှိသူတွေ ၊ စေတနာ့ဝန်ထမ်းတွေပါ ပါဝင်ကူညီကြပါတယ်။ဂျပန်ဦးနှောက်ရောင်ကာကွယ်ဆေး ကျောင်းနေရွယ်ကလေးတိုင်းကို နိုဝင်ဘာ ၁၅ ရက်ကနေ နိုဝင်ဘာ ၂၃ ရက်အတွင်း ပြုလုပ်ခဲ့တဲ့  ကျောင်းအခြေပြုကာကွယ်ဆေးထိုးလုပ်ငန်းမှာထိုးနှံပေးခဲ့တာဖြစ်ပြီး အခု ဆက်လက်ပြီး ၇ပ်ရွာအခြေပြုမှာ ရန်ကုန်တိုင်းအတွင်း ကမြို့နယ် တွေမှာထိုးနှံပေးနေရာမှာ လှိုင်သာယာမြို့နယ်မှာ ဒီကနေ့ ဒီဇင်ဘာ ၁၁ ရက်ကနေ ၂၁ ရက်အတွင်း အသက်ကိုးလကနေ ငါးနှစ်အရွယ်ကလေးတွေနဲ့ ကျောင်းမနေတဲ့ အသက်ငါးနှစ်ကနေ  တစ်ဆယ့်ငါးနှစ် အရွယ်ကလေး စုစုပေါင်း ကလေးဦးရေ ငါးသောင်းကို ဂျပန်ဦးနှောက်ရောင် ကာကွယ်ဆေး ထိုးနှံပေးနေပါတယ်။
 
လိ်ှုင်သာယာမြို့နယ်မှာ ရပ်ကွက် ၂၀ နဲ့ ကျေးရွာ ၁၈ ရွာရှိပြီး ကလေးဦးရေ ငါးသောင်းပြည့်မီအောင် ထိုးနှံဖို့  ဆေးထိုးစုရပ် ၃၂ ခုသတ်မှတ်ပေးထားတယ်လို့ သိရပါတယ်။ ဆေးထိုးစုရပ်တစ်ခုမှာ တစ်ရက်ကို ကလေးဦးရေ နှစ်ရာ့ငါးဆယ်အထိ ထိုးနှံပေးသွားမှာဖြစ်ပြီး မြို့နယ်အဆင့် ကြီးကြပ်ရေးမှူး ၁၁ ယောက်က ဆေးထိုးစုရပ်တွေကို အလှည့်ကျ ကြည့်ရှုစစ်ဆေးသွားမှာဖြစ်ပါတယ်။ လှိုင်သာယာမြို့နယ်က လူဦးရေထူထပ်ပြီး ကျူးကျော်နေထိုင်သူတွေနဲ့ ရွှေ့ပြောင်းလုပ်သားအများစု နေထိုင်တာကြောင့် လူဦးရေ စာရင်းအတိအကျရရန်ခက်ခဲမှုတွေရှိပြီး ရပ်ကွက်ထဲမှာ ဂျပန်ဦးနှောက်ရောင်ကာကွယ်ဆေး လိုက်လံထိုးနှံဖို့ စိန်ခေါ်မှုတွေရှိတယ်လို့ ပြောပါတယ်။လက်ရှိ ထိုးနှံပေးနေတဲ့ ပြည်သူလူထုအခြေပြု ကာကွယ်ဆေးထိုးတဲ့အစီအစဉ် လုံခြုံ စိတ်ချမှု ရှိအောင် WHO  ကမ္ဘာ့ကျန်းမာရေးအဖွဲ့မှ ကြီးကြပ်ထိန်းသိမ်းရေးမှူးတွေက မြို့နယ်အလိုက် ဆေးထိုးစုရပ်တွေတိုင်းကို လာရောက်စစ်ဆေးပေးတာတွေ့ရမှာပါ။
 
လှိုင်သာယာမြို့နယ်၊ ရွှေလင်ပန်းကျေးလက် ကျန်းမာရေးဌာနခွဲကို  ဂျပန်ဦးနှောက်ရောင် ကာကွယ်ဆေး လာရောက်ထိုးနှံတဲ့ မိဘတွေရဲ့ ကာကွယ်ဆေးထိုးလုပ်ငန်းအပေါ် အမြင်ကိုလည်း ယခုလို ပြောပါတယ်။ ဒုတိယအကြိမ် ထပ်မံထိုးနှံတဲ့ ပြည်သူလူထုအခြေပြု ဂျပန်ဦးနှောက်ရောင် ကာကွယ်ဆေးထိုး လုပ်ငန်းမှာ တစ်နိုင်ငံလုံးက အသက်ကိုးလမှ ငါးနှစ်အရွယ်ကလေးတွေနဲ့ ကျောင်းမနေတဲ့ အသက်ငါးနှစ်ကနေ တစ်ဆယ့်ငါးနှစ်အရွယ် ကလေး စုစုပေါင်း ၆ သန်းကျော်ကို ထိုးနှံပေးဖို့ ရည်ရွယ်ထားတယ်လို့သိရပါတယ်။ ပြီးခဲ့တဲ့  ကျောင်းအခြပြု ကာကွယ်ဆေးထိုးလုပ်ငန်းမှာတော့ အသက်ငါးနှစ်ကနေ  တစ်ဆယ့်ငါးနှစ်အရွယ် ကျောင်းနေကလေး စုစုပေါင်း ရှစ်ဒသမသုံးသန်းကို ဂျပန်ဦးနှောက်ရောင် ကာကွယ်ဆေးထိုးနှံပေးခဲ့ပြီး ဖြစ်ပါတယ်။
 
 
 

Related News