ဝိတိုရိယကျန်းမာရေးထောက်ပံ့ကူညီစောင့်ရှောက်ရေးဖောင်ဒေးရှင်းနဲ့ အမေရိကန်နိုင်ငံ Al liance For Smiles Organization တို့ ပူးပေါင်းပြီး နှုတ်ခမ်းကွဲအာခေါင်ကွဲ ကလေးငယ်များကို ပဉ္စမအကြိမ်အဖြစ် အောက်တိုဘာ(၂)ရက်မှ (၁၃)ရက်အထိ အခမဲ့ ခွဲစိတ်ကုသပေးလျက်ရှိပါတယ်။ ခွဲစိတ်ကုသမှုခံယူမယ့် နှုတ်ခမ်းကွဲ အာခေါင်ကွဲ ကလေးငယ်တွေကတော့ ရန်ကုန်တိုင်း ဒေသကြီးအပါအ၀င် ဧရာဝတီတိုင်း၊ ပဲခူးတိုင်း၊ စစ်ကိုင်းတိုင်း၊ ပခုက္ကူ၊ ကချင်ပြည်နယ်၊ ရှမ်းပြည်နယ် အစရှိတဲ့ ဒေသအသီးသီးက လာရောက်ကုသတာ ဖြစ်ပါတယ်။ ဒီလို ကုသမှု ခံယူရာမှာ နယ်ဝေးမှ လာရောက်ကုသတဲ့ နှုတ်ခမ်းကွဲ အာခေါင်ကွဲကလေးငယ်တွေကို နေထိုင်ဖို့အတွက် မရမ်းကုန်းမြို့နယ်ရှိ ပေါက်စေတီဘုန်းကြီးကျောင်းမှာ အခမဲ့နေထိုင်ခွင့်ပေးထားပြီး လူနာရှင်တစ်ဦးအတွက် စားစရိတ်ပါ ၀ိတိုရိယဆေးရုံမှ ထောက်ပံ့ပေးထားတယ်လို့ သိရပါတယ်။ ၀ိတိုရိယကျန်းမာရေးထောက်ပံ့ကူညီစောင့်ရှောက်ရေး ဖောင်ဒေးရှင်းအနေနဲ့ နှုတ်ခမ်းကွဲ အာခေါင်ကွဲ ကလေးငယ်(၁၂၀)ဦးကို ခွဲစိတ်ကုသဖို့အတွက် ဆေးစစ်မှုတွေ ပြုလုပ်လျက်ရှိပါတယ်။ နှုတ်ခမ်းကွဲအာခေါင်ကွဲ ကလေးငယ်တွေထဲမှ  ခွဲစိတ်ကုသဖို့တွက် ဆေးစစ်မှုတွေ အောင်မြင်မှသာ ခွဲစိတ်ကုသခွင့်ရရှိမှာ ဖြစ်ပါတယ်။နှုတ်ခမ်းကွဲအာခေါင်ကွဲ အခမဲ့ခွဲစိတ်ကုသမှုကို ၀ိတိုရိယဆေးရုံအနေနဲ့ ပြီးခဲ့တဲ့ (၂၀၁၄)ခုနှစ်မှ စတင်ကုသပေးခဲ့ပြီး (၂၀၁၆)ခုနှစ်အထိ လူနာဦးရေ (၃၆၈)ဦးကို ခွဲစိတ်ကုသပြီးဖြစ်ပါတယ်။ လက်ရှိမှာလည်း ကလေးငယ်တွေ လာရောက်ပြသချိန်မှ ဆေးရုံးဆင်းသွားတဲ့အချိန်ထိ ခွဲစိတ်ကုသခြင်း၊ ကျန်းမာရေးစောင့်ရှောက်မှုများ ဆေးဝါးများအားလုံးကိုလည်း အခမဲ့ထောက်ပံ့ပေး လျက်ရှိတယ်လို့သိရပါတယ်။
 
 

Related News