တစ်နိုင်ငံလုံးအတိုင်းအတာအနေနဲ့ ART ဆေးဝါးကုသမှုဌာနနှင့် ဆင့်ပွားဆေးဝါးကုသမှုဌာန (၃၀၀)ကျော်ထိ တိုးမြှင့်ထားပြီးဖြစ်တယ်လို့ စက်တင်ဘာလ(၂၉)ရက်က ပြည်သူ့ကျန်းမာရေးဦးစီးဌာန၊ ခုခံကျ/ကာလသားရောဂါတိုက်ဖျက်ရေးစီမံချက်နဲ့ ICAP အဖွဲ့တို့ပူးပေါင်းပြီး NLD AIDS Centre မှ လူနာတွေကို ပြုစုစောင့်ရှောက်ပေးနေတဲ့ စေတနာ့ဝန်ထမ်းတွေကို ပြုစုစောင့်ရှောက်မှု နည်းသင်တန်းက သိရပါတယ်။ တစ်နိုင်ငံလုံးအတိုင်းအတာအနေနဲ့ ARTဆေးဝါးကုသမှုကို (၂၀၀၅)ခုနှစ်က ဆေးရုံကြီး(၅)ရုံကနေ စတင်ကုသခဲ့တယ် လို့သိရပါတယ်။(၂၀၁၇)ခုနှစ် နှစ်လယ်မှာတော့ မြို့နယ်ပေါင်း(၂၀၀)ကျော် မှာ ART ဆေးဝါးကုသမှုဌာနနှင့် ဆင့်ပွားဆေးဝါးကုသမှုဌာန (၃၀၀)ကျော်ထိ တိုးမြှင့်လာနိုင်တယ်လို့ သိရပါတယ်။မြန်မာနိုင်ငံမှာ ART ဆေးကို ထုတ်လုပ်နိုင်မှုမရှိသေးတာကြောင့် နိုင်ငံတကာမှဝယ်ယူနေရပြီး လိုအပ်တဲ့ရန်ပုံငွေကို နိုင်ငံတော်အစိုးရရဲ့ဘက်ဂျက်အပြင် ကမ္ဘာ့ရန်ပုံငွေအဖွဲ့ရဲ့ ထောက်ပံ့မှုနဲ့ ၀ယ်ယူနေရတယ်လို့ သိရပါတယ်။
 
၂၀၁၆- ၂၀၁၇ ခုနှစ်မှာ နိုင်ငံတော်အစိုးရက အမေရိကန်ဒေါ်လာ (၅)သန်းထောက်ပံ့ခဲ့ပြီး၊ အခု၂၀၁၇- ၂၀၁၈ ဘဏ္ဍာနှစ်မှာတော့ နိုင်ငံ တော်အစိုးရက အမေရိကန် ဒေါ်လာ(၁၅) သန်းအထိ ထောက်ပံ့ပေးထားပြီးဖြစ်တယ်လို့သိရပါတယ်။ပြည်သူ့ကျန်းမာရေးဦးစီးဌာနမှ ခုခံကျ။ကာလသားရောဂါခံစားနေရသူအရေအတွက်ကို (၂၀၀၅)ခုနှစ်က စပြီး (၂) နှစ်တစ်ကြိမ် ခန့်မှန်းတွက်ချက်မှုပြုလုပ်ခဲ့ပြီး (၂၀၁၆)ခုနှစ် ခန့်မှန်းတွက်ချက်မှုအရခံကျ/ကာလသားရောဂါခံစား နေရသူပေါင်း (၂၂၅၀၀၀)ဦးထိရှိတယ်လို့ သိရပါတယ်။လက်ရှိ ART ဆေးအတွက်ရရှိထားတဲ့ထောက်ပံ့ငွေဟာ ခုခံကျ။ကာလသားရောဂါ ဆေးကုသဖို့လိုအပ်နေသူရဲ့ (၈၅)ရာခိုင်နှုန်းဟာ ၂၀၁၇ မှ ၂၀၂၀ ထိဆေးကုသဖို့လုံလောက်မှုရှိနေပြီး (၁၅)ရာခိုင်နှုန်းမှ (၁၀)ရာခိုင်နှုန်းထိသာ ထောက်ပံ့ငွေလိုအပ်မှုရှိတော့တယ်လို့သိရပါတယ်။ 
 
 

Related News