ဗြိတိန်သုတေသီများ၏ပြောကြားချက်အရအထီးကျန်အဖော်မဲ့ခြင်းသည် အ၀လွန်ခြင်းနှင့် ဆေးလိပ်သောက်ခြင်းတို့ကဲ့သို့ပင် ကျန်းမာရေး ပြဿနာတစ်ခုအဖြစ် သတ်မှတ်စဉ်းစားသင့်ကြောင်းသိရသည်။ ထို့ပြင် အထီးကျန်ခြင်းကြောင့် စောစီးစွာသေဆုံးနိုင်ခြင်း ( အသက် တိုခြင်း)နှင့် စိတ်ဖောက်ပြန်မှုလည်းဖြစ်ပွားနိုင်ချေမြင့်မားကြောင်းသိရသည်။ 

အဆိုပါ သုတေသနသည် ဒေသဆိုင်ရာအာဏာပိုင်များနှင့် ပရဟိတအဖွဲ့များမှ တည်ထောင်ခဲ့သည့် အထီးကျန်ဆန်မှု အဆုံးသတ် ရေးစည်းရုံးလှုံ့ဆော်မှုများ၏ ရလဒ်များပေါ်တွင် အခြေခံထုတ်ပြန်ခဲ့ခြင်းဖြစ်သည်။ အထီးကျန်ဆန် အဖော်မဲ့ခြင်းသည် သက်ကြီးရွယ်အိုများတွင် အဓိကဖြစ်ပွားသည့် ပြဿနာရပ်တစ်ခုဖြစ်ပြီး ဗြိတိန်လူမျိုး ၁.၂ သန်းခန့်သည် အလွန်စိတ်ပျက် ဖွယ်ကောင်းသည့် အထီးကျန်ဆန်မှုကိုခံစားနေရလျက်ရှိကြောင်းသိရသည်။

အထီးကျန်အဖော်မဲ့ခြင်းပြဿနာသည် အိမ်ထောက်ဖက်၊ မိသားစုဝင်များနှင့် မိတ်ဆွေသူငယ်ချင်းများသေဆုံးသွားသည်ကိုရင်ဆိုင်နေရသည့် သက်ကြီးရွယ်အိုများတွင် ဖြစ်ပွားလေ့ရှိကြောင်းလည်းသိရသည်။

ဗြိတိန်နိုင်ငံတွင် အထီးကျန်ဆန်ခြင်းကြောင့် ဖြစ်ပွားသည့်ရောဂါအတွက် သက်ကြီးရွယ်အိုများတွင် ဆယ်စုနှစ်တစ်ခုလျှင် ကျန်းမာရေးကုန်ကျငွေ တစ်ဦးလျှင် ဗြိတိန်ငွေ ပေါင် ၆၀၀၀ ခန့်ုကုန်ကျကြောင်းလန်ဒန်ရှိစီးပွားရေးနှင့် နိုင်ငံရေးသိပ္ပံကျောင်း(LSE) မှ သုတေသီများကဖော်ပြခဲ့ကြောင်းသိရသည်။

အထီးကျန်အဖော်မဲ့သည့် ပြဿနာကိုကိုင်တွယ်ဖြေရှင်ခြင်းအားဖြင့် နိုင်ငံတော်အနေဖြင့်၅ နှစ်ကျော်ကာလအတွင်း၌ ဗြိတိန်ငွေ ပေါင် ၃.၆ သန်းခန့် ကုန်ကျစရိတ် သက်သာမည်ဖြစ်ကြောင်းသုတေသီများကပြောကြားခဲ့သည်ဟုသိရသည်။

 

 

 

Related News