ဈေးတွေနဲ့ဈေးပြင်ပတွေမှာ ရောင်းချနေတဲ့ ပဲသွေးတွေမှာ စားသုံးရန်မသင့်တဲ့ ဖော်မလင်တွေ ပါဝင်တာ စစ်ဆေးတွေ့ရှိခဲ့တာကြောင့် ဖော်မလင်ပါဝင်တဲ့ ပဲသွေးတွေကိုထုတ်လုပ်တဲ့ ပဲသွေးပင်ရင်း လုပ်ငန်း(၂)ခုကို ပိတ်သိမ်းအရေးယူလိုက်တဲ့အပေါ် စားသုံးသူပြည်သူတွေက စိတ်ဝင်စားလျက်ရှိပြီး ထောက်ခံအားပေးလျက်ရှိနေတယ်လို့ သိရပါတယ်။ ဈေးကွက်အတွင်းပဲသွေးများရဲ့ (၉၅)ရာခိုင်နှုန်းဟာ ဖော်မလင်တွေ အသုံးပြုထားတာကို စစ်ဆေးတွေ့ရှိခဲ့ပြီး ဈေးတွေမှာဖော်မလင်ပါတဲ့ ပဲသွေးတွေ ရောင်းချနေဆဲဖြစ်တာကြောင့် ပဲသွေးရောင်းချခွင့်ကို သြဂုတ်လ(၁၆)ရက်က စတင်ကာ ယာယီရပ်ဆိုင်းစေခဲ့ပေမယ့် ဆက်လက်ရောင်းချ မှုတွေရှိနေခဲ့တယ်လို့သိရပါတယ်။

ဒီလိုရောင်းချမှုတွေကြောင့် စက်တင်ဘာလ(၂၁)ရက်ကစတင်ပြီး လှိုင်သာယာမြို့အတွင်းမှာရှိတဲ့ ပဲသွေးပင်ရင်းလုပ်ငန်း နှစ်ခုကို အစားအသောက်နှင့် ဆေးဝါးကွပ်ကဲရေး ဦးစီးဌာနက ရှောင်တခင်ဝင်ရောက် စစ်ဆေးခဲ့တယ်လို့သိရပါတယ်။ ဒီိလိုစစ်ဆေးရာမှာ ပဲသွေးတွေမှာ ဖော်မလင်ပါဝင်နေတာကိုတွေ့ရပြီး လိုင်စင်မရှိဘဲ တရားမ၀င်ရောင်းချနေတဲ့ လုပ်ငန်းတွေဖြစ်တာကြောင့် အဲ့ပဲသွေးလုပ်ငန်း (၂)ခုကို တရားစွဲဆိုထားတယ်လို့ သိရပါတယ်။

ဒီလိုအရေးယူမှုတွေကြောင့် ဈေးတွေမှာ ပဲသွေးရောင်းချမှုတွေတော်တော်များများ နည်းသွားပြီလို့ သိရပါတယ်။ ဒီလိုထိထိရောက်ရောက်အရေးယူမှုပြုလုပ်ပေးတာကြောင့် ဖော်မလင်ရဲ့ဆိုးကျိုးကို မသိဘဲစားသုံးနေသူတွေအတွက် ရောဂါတွေကို မဖြစ်ပေါ်နိုင်စေတော့သလို နောက်ပိုင်းမှာ ဒီလိုဖြစ်စေတဲ့ အစားအစာတွေကိုထုတ်လုပ်မှုတွေမရှိနိုင်တော့တာကြောင့်ထိရောက်မှုရှိတဲ့ အရေးယူမှုတွေဖြစ်တယ်လို့ စားသုံးသူများကသုံးသပ်ကြပါတယ်။

 စက်တင်ဘာလ(၂၁)ရက်နေ့က ရှောင်တခင်စစ်ဆေးခဲ့တဲ့ ဖော်မလင်ပါဝင်တာကိုတွေ့ရှိတဲ့ ပဲသွေးလုပ်ငန်း(၂)ခုကိုတော့ အမျိုးသားအစားအသောက်ဥပဒေ၊ စားသုံးသူရေးရာဥပဒေနဲ့ စည်ပင်သာယာ ရေးဥပဒေတို့နဲ့အရေးယူသွားမှာဖြစ်တယ်လို့သိရပါတယ်။

 

 

Related News