ရန်ကုန်မြို့အတွင်းက ဈေးတွေနဲ့ ဈေးပြင်ပတွေမှာရောင်းချနေတဲ့ ပဲသွေးတွေမှာ စားသုံးရန်မသင့်တဲ့ ဖော်မလင်တွေပါဝင်နေမှုကို စစ်ဆေးတွေ့ရှိတာကြောင့် စက်တင်ဘာလ(၂၂)ရက် ကစပြီး ဖော်မလင်ထည့်ပြီးပြုလုပ်တဲ့ ပဲသွေးလုပ်ငန်းတွေကိုစစ်ဆေးတွေ့ရှိပါက အစားအသောက်နှင့် ဆေးဝါးကွပ်ကဲရေးဦးစီးဌာန (FDA)က တရားစွဲတော့မှာ ဖြစ်တယ်လို့ FDA မှ တာဝန်ရှိသူက ပြောပါတယ်။ ရန်ကုန်မြို့တွင်းက ဈေးတွေနဲ့ဈေးပြင်ပမှာရောင်းချနေတဲ့ ပဲသွေး(၉၅)ရာခိုင်နှုန်းဟာ ဖော်မလင်ပါဝင်နေတာကို တွေ့ရှိတာကြောင့် ပဲသွေးရောင်းချနေတာတွေကို ယာယီတားမြစ်ထားတာ ဖြစ်ပါတယ်။ ပဲသွေးထုတ်လုပ်တဲ့လုပ်ငန်းအများစုက လိုင်စင်မဲ့လုပ်ငန်းတွေဖြစ်ပြီး ပဲသွေးအစား အမဲသွေးတွေကိုရောင်းချနေတာတွေကိုပါစစ်ဆေးတွေ့ရှိနေတာဖြစ်ပါတယ်။ စက်တင်ဘာလ (၂၁)ရက်က လှိုင်သာယာမြို့ နယ်အတွင်းမှာရောင်းချနေတဲ့ ပဲသွေးပင်ရင်း လုပ်ငန်းနှစ်ခုကို အစားအသောက်နှင့်ဆေးဝါးကွပ်ကဲရေးဦးစီးဌာန (FDA) က ရှောင်တခင်ဝင် ရောက်စစ်ဆေးခဲ့ရာ ပဲသွေးတွေမှာ ဖော်မလင်ပါဝင်နေတာတွေရှိပြီး လိုင်စင်မရှိဘဲ တရားမ၀င်ရောင်းချနေတဲ့ လုပ်ငန်းလည်းဖြစ်တာကြောင့် အဲ့ပဲသွေးလုပ်ငန်းနှစ်ခုကို တရားစွဲလိုက်ပြီး ဖြစ်တယ်လို့သိရပါတယ်။ 
 
အရင်က ပဲသွေးထုတ်လုပ်နေတဲ့ ပင်ရင်းလုပ်ငန်းတွေကို ရှောင်တခင်ဝင်ရောက်စစ်ဆေးပြီးတွေ့ ရှိခဲ့ပါက ပစ္စည်းသိမ်းတာတွေအပြင် ခံဝန်ကတိရေးထိုးခြင်းနဲ့ လုပ်ငန်းပိတ်သိမ်းတာတွေကို လုပ်ဆောင်နေခဲ့တာဖြစ်ပါတယ်။ စက်တင်ဘာလ(၂၁)ရက်က လှိုင်သာယာမြို့ နယ်အတွင်းမှာ ရောင်းချနေတဲ့ ပဲသွေးပင်ရင်းလုပ်ငန်းနှစ်ခုကိုတော့ အမျိုးသားအစားအသောက်ဥပဒေ၊ စားသုံးသူရေးရာ ဥပဒေနဲ့ စည်ပင်သာယာရေးဥပဒေတွေနဲ့ အရေးယူသွားမှာဖြစ်တယ်လို့ သိရပါတယ်။ လက်ရှိမှာတော့ရန်ကုန်တိုင်းဒေသကြီး သိမ်ကြီးဈေး၊ သီရိမင်္ဂလာဈေး၊ မှော်ဘီမြို့ မဈေး၊ ကော့မှူးမြို့မဈေး၊ လှည်းကူးမြို့ မဈေး အပါအ၀င် ဒလမြို့နယ်အတွင်းမှာရောင်းချနေတဲ့ဈေးတွေက ပဲသွေးတွေကို နမူနာကောက်ယူစစ်ဆေးခဲ့ပြီး ဖော်မလင်တွေ့ရှိတဲ့ ပဲသွေးတွေကိုတော့ဖျက်ဆီးခဲ့တယ်လို့ သိရပါတယ်။
 
 

Related News