ရေရရှိရေးထောက်ပံ့မှုမဟာဗျုဟာအရ(၂၀၃၀)ခုနှစ်အရောက်မှာ အားလုံး သန့်ရှင်းတဲ့ သောက်သုံးရေ ရရှိရေးအတွက် အပြီးဆောင် ရွက်သွားမယ်လို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက သိရပါတယ်။ တစ်နိုင်ငံလုံးသန့်ရှင်းတဲ့သောက်သုံးရေရရှိရေးနဲ့ ပတ်သက်ပြီး ကျေးလက်ဒေသများ စာသင်ကျောင်းများ၊ ဆေးရုံဆေးခန်းများ ရေရရှိရေး၊ ပတ်ဝန်းကျင်နှင့် တကိုယ်ရေ သန့်ရှင်းရေး ဆိုင်ရာ မဟာဗျုဟာနှင့် ရင်းနှီးမြုပ်နှံမှု လုပ်ငန်းညှိုနှိုင်းမှုအစည်းအဝေးကို စက်တင်ဘာလ (၂၀) ရက်က နေပြည်တော်မှာရှိတဲ့ မြန်မာ အပြည်ပြည်ဆိုင်ရာ ကွန်းဗင်းရှင်းဗဟိုဌာန MICC-2 မှာ ပြုလုပ်ခဲ့တာဖြစ်ပြီး အဆိုပါအခမ်းအနားမှာ ပြောကြားခဲ့ တာပါ။ ရေရရှိရေး ထောက်ပံ့မှုမဟာဗျုဟာကို စိုက်ပျိုးရေး၊ မွေးမြုရေးနှင့် ဆည်မြောင်းဝန်ကြီးဌာန၊ ပညာရေး ၀န်ကြီးဌာန၊ ကျန်းမာရေးနှင့် အားကစားဝန်ကြီးဌာန အပါအ၀င် သက်ဆိုင်ရာ အဖွဲ့အစည်းတွေနဲ့  ပူးပေါင်းကာ ၂၀၁၄ ခုနှစ်က စတင်ရေးဆွဲခဲ့တာဖြစ်ပြီး ၂၀၁၅ ခုနှစ်မှာ စတင် အကောင်အထည်ဖော်ခဲ့ကြတာပါ။ တစ်နိုင်ငံလုံးရဲ့ ကျေးလက်ဒေသတွေရဲ့ (၆၁)ရာခိုင်နှုန်းဟာ ၂၀၁၅ ခုနှစ်အတွင်း သန့်ရှင်းတဲ့ ရေကိုရရှိထား ပြီး ၂၀၂၀မှာ (၇၀)ရာခိုင်နှုန်းကိုလည်းကောင်း၊
 
၂၀၂၅ အရောက်မှာ(၈၀)ရာခိုင်နှုန်းကိုလည်းကောင်း၊  သန့်ရှင်းတဲ့ရေ ရရှိရေး ဆောင်ရွက်သွားမှာ ဖြစ်ကာ ၂၀၃၀ အရောက်မှာတော့ တစ်နိုင်ငံလုံးသန့်ရှင်းတဲ့ရေ ရရှိအောင် ဆောင်ရွက်သွားမယ်လို့ သိရပါတယ်။ ၂၀၃၀ မှာ တစ်နိုင်ငံလုံး သန့်ရှင်းတဲ့ရေရှိရေးဆောင်ရွက်ရာမှာ စုစုပေါင်း အမေရိကန် ဒေါ်လာ(၁၁၉၃)သန်းအထိ ကုန်ကျနိုင်မယ်လို့ယူနီဆက်က ခန့်မှန်း ထားပါတယ်။ စိုက်ပျိုးရေး၊ မွေးမြုရေးနှင့် ဆည်မြောင်း ၀န်ကြီးဌာနလက်အောက်ရှိ ကျေးလက်ဒေသဖွံ့ဖြိုး တိုးတက် ရေးဦးစီးဌာနအနေနဲ့ တစ်နိုင်ငံလုံးမှာရှိတဲ့ ကျေးရွာတွေ ရေရရှိရေးအတွက် ဆောင်ရွက် နေရာနှစ်စဉ်ကျေးရွာ(၂၀၀၀)နီးပါးကို ဆောင်ရွက်ပေးနိုင်ခဲ့တယ်လို့သိရပါတယ်။
 
 

Related News