ကျန်းမာရေးနှင့်အာကစားဝန်ကြီးဌာနအနေနဲ့ ကူးစက်ရောဂါများ ကူးစက်မြန်ရောဂါများ စောင့်ကြပ်ကြည့်ရှုခြင်း၊ ကြိုတင်ကာကွယ်ခြင်းနှင့် ထိရောက်စွာတုံ့ပြန် ဆောင်ရွက်ခြင်းလုပ်ငန်းများကို  ဦးစားပေးဆောင်ရွက်လျက်ရှိရာ အထူးသဖြင့် တစ်ကမ္ဘာလုံးအတိုင်းအတာနဲ့ ကပ်အသွင် ဖြစ်ပွားနိုင်သော ကူးစက်ရောဂါစောင့်ကြပ်ကြည့်ရှု့ခြင်းလုပ်ငန်းများကို အပြည်ပြည်ဆိုင်ရာ ကျန်းမာရေးစည်းမျဉ်းများ (၂၀၀၅)နဲ့အညီ ကမ္ဘာ့ကျန်းမာရေးအဖွဲ့၊ ဒေသတွင်းအဖွဲ့အစည်းများ၊ မိတ်ဖက်အဖွဲ့အစည်းများနဲ့ ပူးပေါင်းဆောင်ရွက်လျက်ရှိပါသည်။  

(၂၀၁၇)ခုနှစ် ဇူလိုင်လအတွင်း ချင်းပြည်နယ်၊ မတူပီမြို့ပေါ်ရပ်ကွက်အချို့တွင် ရာသီတုပ်ကွေး ရောဂါ ဓာတ်ခွဲအတည်ပြု လူနာ(၁၀)ဦး၊ သေဆုံးလူနာတစ်ဦးရှိခဲ့ပါသည်။ ထို့အပြင် ရန်ကုန်မြို့ ပြည်သူ့ဆေးရုံကြီးတွင် လူနာ(၂)ဦး၊ ရန်ကုန်မြို့အထွေထွေရောဂါကုဆေးရုံသစ်ကြီးတွင် လူနာတစ်ဦး တို့သည် ရာသီတုပ်ကွေးရောဂါ (Seasonal Influenza A(H1N1) 2009) ဖြင့် ဇူလိုင်လအတွင်း တက်ရောက်ကုသခဲ့ပြီး လိုအပ်သောကျန်းမာရေးစောင့်ရှောက်မှုများ ခံယူလျက်ရှိပါ သည်။ ရာသီတုပ်ကွေးရောဂါ (Seasonal Influenza A(H1N1) 2009)  စောင့်ကြပ်ကြည့်ရှုခြင်း ကြိုတင်ကာကွယ်ခြင်းနှင့် ထိရောက်စွာတုံ့ပြန်ဆောင်ရွက်ခြင်းလုပ်ငန်းများကို အားဖြည့်ဆောင်ရွက် နိုင်ရေးအတွက် လုပ်ငန်းညှိနှိုင်းအစည်းအဝေးကို ဇူလိုင်(၂၄)ရက်က နေပြည်တော်ကျန်းမာရေးနဲ့ အားကစားဝန်ကြီးဌာနအစည်းအဝေးခန်းမမှာ ကျန်းမာရေးနဲ့အားကစားဝန်ကြီးဌာန ပြည်ထောင်စု ၀န်ကြီး ဒေါက်တာမြင့်ထွေးက ဦးဆောင်ပြီး ကျင်းပပြုလုပ်ခဲ့ပါသည်။

ဝန်ကြီးဌာနအနေဖြင့် လတ်တလောရာသီတုပ်ကွေးဖြစ်ပွားနေသူများနဲ့ပတ်သက်၍ တုပ်ကွေးဆန်သော ရောဂါလက္ခဏာ များဖြစ်ပွားမှု၊ ပြင်းထန်အဆုတ်ရောင်ဖြစ်ပွားမှု စသည်တို့အား စောင့်ကြပ်ကြည့်ရှုခြင်းနှင့်ရောဂါဖြစ်ပွား ကူးစက်မှုမှ ကာကွယ်နိုင်ရေးအတွက် ကျန်းမာရေးပညာပေး လုပ်ငန်းများ ဆေးရုံကြီးများ မြို့နယ်အဆင့်နဲ့ ပြည်သူလူထုအတွင်း ယခုထက်ပိုမိုဆောင်ရွက်လျက် ရှိပါကြောင်း ဖြစ်စဉ်နဲ့ပတ်သက်၍ ပြည်သူလူထုအတွင်း သတင်းမှန်ရရှိရေးနဲ့ ကြောက်လန့်မှု မရှိစေရေးအတွက် မိမိတို့ဝန်ကြီးဌာနအနေဖြင့် ဆောင်ရွက်ထားရှိမှုများအား အချိန်နှင့်တပြေးညီ သတင်းထုတ်ပြန်ပေးသွားမည်ဖြစ်ပါကြောင်း ရောဂါကုသမှုတုံ့ပြန်ဆောင်ရွက်မှု၊ ကြိုတင်ကာကွယ်မှု တို့နှင့် ပတ်သက်၍ ကျန်းမာရေးဝန်ထမ်းများအတွက် လမ်းညွှန်ချက်များအား ထုတ်ပြန်ပြီး ဖြစ်ပါကြောင်း အပြည်ပြည်ဆိုင်ရာကျန်းမာရေးစည်းမျဉ်းများနဲ့အညီ ကမ္ဘာ့ကျန်းမာရေးအဖွဲ့သို့လည်း သတင်းပေးပို့ပြီးဖြစ်ကြောင်း လိုအပ်မည့်ဆေးဝါးများ ရောဂါကာကွယ်ရေးပစ္စည်းများလည်း အရံအသင့်ရှိပါကြောင်း ပြည်ထောင်စုဝန်ကြီးက ပြောကြားခဲ့ပါတယ်။

ဒါ့အပြင် ၀န်ကြီးဌာနအနေဖြင့် ရာသီတုပ်ကွေးရောဂါဖြစ်ပွားမှုနှင့်ပတ်သက်၍ ၀န်ကြီးဌာန၏ အင်တာနက်စာမျက်နှာဖြစ်သော www.mohs.gov.mm  နှင့် Myanmar CDC ၏  Facebook စာမျက်နှာမှ သတင်းထုတ်ပြန်ပေးသွားမည်ဖြစ်ပြီး H1N1 ရောဂါဖြစ်ပွားသည်ဟု သံသယရှိပါက နှာခေါင်းတို့ဖက်အား အမျိုးသားကျန်းမာရေးဓာတ်ခွဲမှုဆိုင်ရာဌာနသို့ စစ်ဆေးအတည်ပြုချက် ရရှိနိုင်ပါကြောင်း သတင်းရရှိပါသည်။

 

 

Related News