ဇွန်လ(၁၄)ရက်နေ့မှာကျရောက်ခဲ့တဲ့ကမ္ဘာ့သွေးလှုရှင်များနေ့ အထိမ်းအမှတ်အခမ်းအနားကို ရန်ကုန်မြို့သူနာပြုတက္ကသိုလ်မှာ ဇွန်လ(၁၈)ရက်ကပြုလုပ်ခဲ့ပါတယ်။ အဲ့ဒီအခမ်းအနားမှာတော့ သွေးလှူဒါန်းမှု နဲ့ပတ်သက်ပြီး လွှင့်ထူထားတဲ့ website ကို သွေးလှုဒါန်းသူတွေသိရှိနိုင်အောင် အသုံးပြုနည်းအဆင့်ဆင့်ကို ပြသခဲ့ပါတယ်။အဲ့ဒီ website မှာတော့ သွေးအမျိုးအစားအလိုက် သွေးလိုအပ်မှုနှုန်းခြေအနေကို ပြသထားမှာဖြစ်ပြီး ပြည်သူတွေအနေနဲ့ သွေးလိုအပ်မှုပမာဏကို အလွယ်တကူ သိရှိနိုင်မှာ ဖြစ်တယ်လို့သိရပါတယ်။

ကမ္ဘာ့သွေးလှုရှင်များနေ့အခမ်းအနားကိုတော့ သွေးလှူဘဏ်မှ တာဝန်ရှိသူတွေ ရန်ကုန်တိုင်း ဒေသကြီးအတွင်းက တာဝန်ရှိသူတွေနဲ့ သွေးလှုရှင် အဖွဲ့ အစည်းကသွေးလှုရှင်တွေနဲ့ ပြင်ပမှ သွေးလှုရှင်များ တက်ရောက်ခဲကြတယ်လို့သိရပါတယ်။အမျိုးသားသွေးဌာနအနေနဲ့ တစ်လကိုသွေးယူနစ်ပေါင်း (၈၀၀၀) ကျော်လိုအပ်နေတာဖြစ်ပြီး သွေးရရှိမှုနှုန်းကလည်း တစ်လနဲ့တစ်လ သွေးရရှိမှုနှုန်းကကွဲပြားတယ်လို့သိရပါတယ်။သွေးသုံးစွဲမှု ကလည်း ရန်ကုန်ဆေးရုံကြီးအရေးပေါ်ဌာန အပါအ၀င် ဆေးရုံပေါင်း (၁၂ )ရုံကိုထောက်ပံ့နေရ တာဖြစ်ပြီး ရန်ကုန်ဆေးရုံကြီးအရေးပေါ်ဌာနကို တော့သွေးရရှိမှုနှုန်းရဲ့ ၃ပုံ၂ ပုံကို ထောက်ပံ့နေရတာ ဖြစ်တယ်လို့သိရပါတယ်။

 

 

Related News