ဂျပန်နိုင်ငံအခြေစိုက် လူမှုအဖွဲ့အစည်း Japan Committee,Vaccines for the World Children (JCV)  က မြန်မာနိုင်ငံကို ကာကွယ်ဆေးတွေ ဆက်လက်ထောက်ပံ့ သွားမှာဖြစ်ပြီး ကာကွယ်ဆေးအရည်အသွေးကောင်းမွန်ဖို့ Cold Chain လုပ်ငန်းစဉ်မှာ အသုံးပြုမယ့် စက်ကိရိယာ၊ ရေခဲသေတ္တာနဲ့အအေးခန်းတွေ ထပ်တိုးထောက်ပံ့သွားမယ်လို့သိရပါတယ်။ JCV  အဖွဲ့ကနေ မြန်မာနိုင်ငံမှ ကာကွယ်ဆေးထိုးလုပ်ငန်းတွေမှာ ရှေ့ဆက်ထောက်ပံ့နိုင်ဖို့ ကာကွယ်ရေး လုပ်ငန်းစဉ်တွေ ရေးဆွဲရန် မန္တလေးနဲ့ရန်ကုန်တိုင်းဒေသရှိ နယ်ဘက်ဒေသတွေကို ဇွန်လ ၁၁ ရက်ကနေ ၁၆ ရက်အထိ လေ့လာရေးခရီးစဉ်ထွက်ခဲ့တယ်လို့ သိရပါတယ်။

ဒီခရီးစဉ်မှာ နယ်ဘက်ဒေသတွေမှာ ကာကွယ်ဆေးကို အလေအလွင့်မဖြစ်စေပဲ ရှေရည်အသုံးပြုနိုင်ဖို့ ရေခဲသေတ္တာနဲ့ အအေးခန်းတွေ ထပ်တိုးထောက်ပံ့သွားဖို့ အစီအစဉ်ရခဲ့တယ်လို့  JCV ရဲ့တာဝန်ရှိသူက ပြောပါတယ်။ JCV  က မြန်မာနိုင်ငံကို ၁၉၉၆ ခုနှစ်တည်းက ကာကွယ်ဆေးထိုးလုပ်ငန်းတွေမှာလိုအပ်တဲ့ ကာကွယ်ဆေးများ၊ ဆေးထိုးအပ်များနဲ့ ကာကွယ်ဆေးများထည့်ရန် အအေးပေးသေတ္တာများ အစရှိတာတွေကို ထောက်ပံ့ပေးနေတာဖြစ်ပြီး ၂၀၁၆ ခုနှစ်အထိ မြန်မာနိုင်ငံမှ ကာကွယ်ဆေးထိုး လုပ်ငန်းအတွက် ဂျပန်ယန်း (၁၀၀၀)ကျော်သုံးစွဲခဲ့တယ်လို့သိရပါတယ်။

ပြည်တွင်းကာကွယ်ဆေးထိုး လုပ်ငန်းတွေကို ယခု ၂၀၁၇ ခုနှစ်အတွင်း တိုးချဲ့လုပ်ဆောင်နေပေမယ့် နယ်ဘက်ဒေသတွေမှာ အားနည်းချက်တွေရှိနေသေးတယ်လို့ ဒေါက်တာသန်းထွန်းအောင်ကပြောပါတယ်။ JCV  က မြန်မာနိုင်ငံကို ကာကွယ်ဆေးတွေထောက်ပံ့နေတာ ၁၉၉၆ ခုနှစ်တည်းကဖြစ်ပြီး နှစ် ၂၀ ပြည့်သွားပြီဖြစ်တယ်လို့သိရပါတယ်။ JCV  အဖွဲ့ကနေ မြန်မာနိုင်ငံအပြင် ဖွံ့ဖြိုးဆဲနိုင်ငံတွေ ဖြစ်တဲ့ လာအို၊ ဘူတန်နိုင်ငံတို့ကို ကာကွယ်ဆေးတွေထောက်ပံ့နေတာဖြစ်ပါတယ်။

 

 

Related News