ရန်ကုန်တိုင်းဒေသကြီး လှိုင်သာယာမြို့နယ်မှာ သွေးလွန်တုပ်ကွေးရောဂါ အဖြစ်များ နေတဲ့အတွက် ကာကွယ်နှိမ်နင်းရေး လုပ်ငန်းတွေထိရောက်ဖို့ စံပြခြင်ကျားလောက်လန်း ကင်းစင် ကျောင်းနှင့်ဌာနတွေ ထူတောင်လုပ်ဆောင်သွားမယ်လို့ သိရပါတယ်။ ရန်ကုန်တိုင်းဒေသကြီးအတွင်း လှိုင်သာယာမြို့နယ်ဟာ သွေးလွန်တုပ်ကွေးရောဂါ အဖြစ်အများဆုးံဖြစ်ပြီး ဇွန်လ(၁၄)ရက်က ၂ နှစ်ခွဲ အရွယ်ကလေး တစ်ဦးသေဆုံးခဲ့တယ်လို့ မြို့နယ်ကျန်းမာရေးဦးစီးဌာနမှ သိရပါတယ်။ ဒီမြို့နယ်မှာ နေထိုင်သူလူဦးရေ ခုနှစ်သိန်းကျော်ရှိနေပြီး ကျောင်းတက်နေတဲ့ ကျောင်းသားဦးရေနှင့် အစိုးရဌာနက ၀န်ထမ်းဦးရေဟာ တစ်သိန်းကျော် ရှိနေတာကြောင့် ဒီလို စံပြ ခြင်ကျားလောက်လန်းကင်းစင်ကျောင်းနှင့် ဌာနတွေထူထောင်ပြီး ကာကွယ်နှိမ်နင်းရေးလုပ်ငန်းတွေကို ပိုမိုထိရောက်စေရန်အတွက် ပညာပေးလုပ်ငန်းတွေကို လုပ်ဆောင်သွားမယ်လို့သိရပါတယ်။

လှိုင်သာယာမြို့နယ်အတွင်း ကျန်းမာရေးဝန်ထမ်းဦးရေ (၆၀)ကျော်ရှိပြီး စံပြခြင်ကျားလောက် လန်းကင်းစင်ကျောင်းနှင့် ဌာနများမှ  ကျောင်းသူကျောင်းသားများနဲ့ ဌာနဆိုင်ရာဝန်ထမ်းတွေက တစ်ဆင့် မြို့နယ်အတွင်းနေထိုင်သူတွေကို သွေးလွန်တုပ်ကွေးရောဂါ ကာကွယ်နှိမ်နှင်းရေး လုပ်ငန်းတွေဖြစ်တဲ့ ဖုးံ၊သွန်၊လဲ၊စစ် စတဲ့လုပ်ငန်းတွေ၊ ပိုးလောက်လန်းစစ်ဆေးတဲ့လုပ်ငန်းတွေနဲ့ အဘိတ်ဆေးခပ်တဲ့လုပ်ငန်းတွေကို  လုပ်ဆောင်သွားမယ်လို့သိရပါတယ်။ ကျောင်းတွေမှာတော့ သွေးလွန်တုပ်ကွေးရောဂါကာကွယ်နှိမ်နင်းရေးလုပ်ငန်းတွေကို ပုံမှန်အတိုင်း လုပ်ဆောင်နေပြီး စံပြခြင်ကျားလောက်လန်းကင်းစင်ကျောင်းအနေနဲ့ ကျောင်းအခြေပြု လုပ်ငန်းစဉ်တွေမှာ ကျောင်းသားကျောင်းသူတွေရဲ့ ပရဟိတစိတ်ကို တိုးပွားစေမှာကြောင့် ပူးပေါင်း ဆောင်ရွက်သွားမယ်လို့ ကျောင်းအုပ်ဆရာတစ်ဦးကပြောပါတယ်။

ရန်ကုန်တိုင်းဒေသကြီး လှိုင်သာယာမြို့နယ်အတွင်း ၂၀၁၇ ခုနှစ် ဇန်န၀ါရီလမှ ဇွန်လ (၁၆)ရက်နေ့ အထိသွေးလွန်တုပ်ကွေးရောဂါ ဖြစ်ပွားသူ ၂၅၈ ဦး ရှိပြီး တစ်ဦးသေဆုးံခဲ့တယ်လို့ သိရပါတယ်။ အရင်နှစ်တွေကတော့ နိုဝင်ဘာနဲ့ ဒီဇင်ဘာလလောက်မှသာ သွေးလွန်တုပ်ကွေး ဖြစ်ပွားတာတွေရှိပေမဲ့ ယခုနှစ်မှာတော့ မေလနဲ့ ဇွန်လတွေကတည်းက သွေးလွန်တုပ်ကွေးရောဂါ ဖြစ်ပွားနေတာလို့  မြို့နယ်ကျန်းမာရေးဦးစီးဌာနမှသိရပါတယ်။

 

Related News