သွေးလွန်တုပ်ကွေးရောဂါကာကွယ်ရေးလုပ်ငန်းတွေကိုပြည်သူ့ကျန်းမာရေးဦးစီးဌာနအနေနဲ့ လုပ်ဆောင်နေပြီး ပြည်သူတွေအနေနဲ့အဲ့ဒီလုပ်ငန်းစဉ်တွေမှာ ပူးပေါင်းပါဝင်သင့်တယ်လို့ သွေးလွန်တုပ်ကွေးနှင့် ဆင်ခြေထောက်ရောဂါကာကွယ်ရေးစီမံချက် မန်နေဂျာ ဒေါက်တာဇော်လင်းက တိုက်တွန်းပြောဆိုလိုက်ပါတယ်။ ဥက်္ကာက တင်ဆက်ပေးသွားမှာပါ။ ဇွန်လ(၁၄)ရက်က ရန်ကုန်တိုင်းဒေသကြီး ပြည်သူ့ကျန်းမာရေးဦးစီးဌာနမှာပြုလုပ်တဲ့ ငှက်ဖျားနှင့် သွေးလွန်တုပ်ကွေးရောဂါ ကာကွယ်ရေးလုပ်ငန်းများ အရှိန်အဟုန်မြှင့်တင်ရေးလုပ်ငန်း ညှိနှိုင်းအစည်းအဝေးမှာ ပြောဆိုလိုက်တာပါ။လက်ရှိမှာပြည်သူ့ကျန်းမာရေးဦးစီးဌာနက မြို့နယ်ကျန်းမာရေးမှူးတွေ၊ မြို့နယ်အုပ်ချုပ်ရေးမှူးတွေနဲ့ ရပ်ကွက်အုပ်ချုပ်ရေးမှူးတွေပူးပေါင်းပြီး သွေးလွန်တုပ်ကွေးရောဂါကာကွယ်ရေးလုပ်ငန်းတွေကို လုပ်ဆောင်နေကြတာဖြစ်ပါတယ်။

ပြည်သူတွေကို လည်း သွေးလွန်တုပ်ကွေးရောဂါကာကွယ်ရေးနဲ့ ပတ်သက်တာတွေကို အသိပညာပေးတာတွေ ပြုလုပ်နေကြတယ်လို့ သိရပါတယ်။မြို့နယ်ကျန်းမာရေးမှူးတွေအနေနဲ့လည်း ဒေသအလိုက်သွေးလွန်တုပ်ကွေးရောဂါခံစားနေရသူတွေနဲ့ ပတ်သတ်တဲ့သတင်းအချက်အလက်တွေကိုရရှိအောင်လိုက်လံစောင့်ကြည့်မှုပြုလုပ်နေပြီး ရောဂါကာကွယ် ရေးနဲ့ ကုသရေးအတွက်ပြုလုပ်နေတယ်လို့ သိရပါတယ်။ ပိုးလောက်လန်းတွေကို ထိန်းချုပ်နိုင်ဖို့ ပိုးလောက်လန်းတွေရှိနေနိုင်တဲ့ ရေကိုဆေးခတ်တာတွေကိုလည်းပြုလုပ်ပေးနေတာ ဖြစ်တယ်လို့ သိရပါတယ်။(၂၀၁၇)ခုနှစ် ဇန်န၀ါရီ(၁)ရက်နေ့ကနေမေလ(၂၇)ရက်အထိ မြန်မာနိုင်ငံမှာ သွေးလွန်တုပ်ကွေး ရောဂါဖြစ်ပွားသူ(၃၃၀၄)ဦးရှိနေပြီး သွေးလွန်တုပ်ကွေးရောဂါကြောင့် သေဆုံးသူ(၁၇)ဦး ရှိခဲ့တယ်လို့ ပြည်သူ့ကျန်းမာရေးဦးစီးဌာနရဲ့ စာရင်းတွေအရ သိရပါတယ်။

 

Related News