တစ်နိုင်ငံလုံးကို လှည့်လည်စစ်ဆေးနိုင်မယ့် တီဘီရောဂါရှာဖွေကုသရေးအထူးယာဉ်နှစ်စီးကို ကျန်းမာရေးနှင့် အားကစားဝန်ကြီးဌာနက လက်ခံရရှိခဲ့တယ်လို့ သိရပါတယ်။တီဘီရောဂါရှာဖွေကုသရေး အထူးယာဉ်နှစ်စီးကို ဇွန်လ ၁၂ ရက်က နေပြည်တော်ရှိ ကျန်းမာရေးနှင့် အားကစားဝန်ကြီးဌာနရုံးမှာ 3MDG  ရန်ပုံငွေအဖွဲ့က တီဘီရောဂါတိုက်ဖျက်ရေး လုပ်ငန်းတွေကို အားဖြည့်ပံ့ပိုးနိုင်ဖို့ လှူဒါန်းခဲ့တာပါ။ အဆိုပါယာဉ်ကြီးမှာ တီဘီရောဂါစစ်ဆေးဖို့ ဓါတ်ခွဲခန်းနဲ့ ဓါတ်မှန်စက်ပါဝင်ပြီး ရောဂါ စစ်ဆေးမှုတွေကို အခမဲ့လျင်မြန်စွာ ဆောင်ရွက်ပေးနိုင်မှာဖြစ်သလို တစ်နေ့ကိုလူနာ ၂၀၀ ၀န်းကျင်ခန့် စစ်ဆေးကုသပေးနိုင်တယ်လို့သိရပါတယ်။

ဒါ့အပြင် တီဘီရောဂါသံသယရှိတဲ့ လူနာတွေကို ဓါတ်ခွဲစမ်းသပ်ခြင်းနဲ့ ရင်ခေါင်းဓါတ်မှန်ရိုက်ခြင်း စတာတွေကို တစ်ချိန်တည်း ပြုလုပ်နိုင်တယ်လို့ သိရပါတယ်။တီဘီရောဂါကုသရေးနဲ့ ပတ်သက်ပြီး အထူးယာဉ်ကြီးမှာ ရောဂါရှာဖွေစမ်းသပ်ဖို့အတွက် ဆောင်ရွက်ပေးမယ့် ပြည်တွင်းက ပညာရှင်တွေကို ယာဉ်အသုံးပြုနည်းသင်တန်းကို သုံးရက်တာ ပြသပေးသွားမယ်လို့ ဆိုပါတယ်။ မြန်မာနိုင်ငံမှာ တီဘီရောဂါက ပြည်သူ့ကျန်းမာရေး ပြသနာတစ်ရပ်ဖြစ်ပြီး အသက် ၁၅ နှစ်မှ ၄၉ နှစ်ရှိ အသက်အရွယ်တွေမှာ အများဆုံးကူးစက်ပြန့်ပွားနေတယ်လို့ သိရပါတယ်။ ဒါ့အပြင် ဆေးယဉ်ပါးတီဘီ ဖြစ်ပွားသူတွေအပါအ၀င် နှစ်စဉ်တီဘီရောဂါဖြစ်ပွားသူပြည်တွင်းမှာ (၁၅၀၀၀၀)ခန့်ရှိတယ်လို့ သိရပါတယ်။

 

 

Related News